მწყერფეხა
| მწყერფეხა | |||||||||||||
|---|---|---|---|---|---|---|---|---|---|---|---|---|---|
 Digitaria sanguinalis | |||||||||||||
| მეცნიერული კლასიფიკაცია | |||||||||||||
| |||||||||||||
| ლათინური სახელი | |||||||||||||
| Digitaria Haller, 1768 | |||||||||||||
| |||||||||||||
მწყერფეხა[1] (ლათ. Digitaria) — მცენარეთა გვარი მარცვლოვანთა ოჯახისა. მრავალწლოვანი და ერთწლოვანი ბალახებია. ღეროს სიმაღლე 10–50 სმ-ია, აქვთ ბრტყელი, ხაზური, იშვიათად ლანცეტა ფოთლები. თავთუნები ორ ერთმანეთთან დაახლოებულ რიგადაა განლაგებული თავთავისებრი ტოტების სამწახნაგა, ძლიერ გაბრტყელებული ღერძის ერთ მხარეს. საერთო ყვავილედი 2–20 ასეთი ტოტისგან შედგება. ცნობილია 350-მდე სახეობა, ძირითადად გავრცელებული არიან ტროპიკებსა და სუბტროპიკებში, ნაწილობრივ ორივე ნახევარსფეროს ზომიერად თბილ ქვეყნებში. იზრდებიან ქვიშებზე, წყალსატევთა ნაპირებზე. კარგი საკვები მცენარეებია. მსხვილთესლიანი სახესხვაობები მარცვლოვანი კულტურების სახით მოჰყავთ სამხრეთ-აღმოსავლეთ აზიის რიგ ქვეყნებში. სისხლისფერი (D. sanguinalis), წამწამიანი (D. ciliaris) და სხვა სახეობის მწყერფეხები მინდვრებისა და გზების სარეველებია.[2]
საქართველოში გავრცელებული სახეობები:[3]
- Digitaria ciliaris (Retz.) Koeler, 1802
- Digitaria horizontalis Willd., 1809
- Digitaria ischaemum (Schreb.) Muhl., 1817
- Digitaria sanguinalis (L.) Scop., 1771
- Digitaria violascens Link, 1827
სქოლიო
[რედაქტირება | წყაროს რედაქტირება]- ↑ მაყაშვილი ა., ბოტანიკური ლექსიკონი : მცენარეთა სახელწოდებანი, მე-3 გამოც., თბ.: „მეცნიერება“, 1991. — გვ. 53.
- ↑ Цвелёв Н. Н. Росичка // Большая российская энциклопедия. т. 28. — М., 2015. — стр. 654.
- ↑ დავლიანიძე მ., ღვინიაშვილი ც., მუყბანიანი მ. და სხვ., საქართველოს ფლორის ნომენკლატურული ნუსხა, თბ.: „უნივერსალი“, 2018. — გვ. 136, ISBN 978-9941-26-391-0.
- ↑ Digitaria aegyptiaca Willd. en. www.gbif.org. ციტირების თარიღი: 8 იანვარი, 2023
- ↑ Digitaria caucasica Henrard en. www.gbif.org. ციტირების თარიღი: 8 იანვარი, 2023
- ↑ Digitaria pectiniformis (Henrard) Tzvelev en. www.gbif.org. ციტირების თარიღი: 8 იანვარი, 2023
- ↑ Digitaria sabulosa Tzvelev en. www.gbif.org. ციტირების თარიღი: 8 იანვარი, 2023