ჰელსინგბორგი

ჰელსინგბორგი
შვედ. Helsingborg
ქალაქი
	ჰელსინგბორგი; შვედ. Helsingborg
	გერბი
ქვეყანა	შვედეთი
კოორდინატები	56°03′00″ ჩ. გ. 12°43′00″ ა. გ. / 56.05000° ჩ. გ. 12.71667° ა. გ.
დაარსდა	1085
ფართობი	38,41 კმ²
მოსახლეობა	97 122 კაცი (2010)
სიმჭიდროვე	2 529 კაცი/კმ²
სასაათო სარტყელი	UTC+1, ხოლო ზაფხულში UTC+2
სატელეფონო კოდი	042
საფოსტო ინდექსი	25X XX
ოფიციალური საიტი	helsingborg.se
	ჰელსინგბორგი ვიკისაწყობში

ჰელსინგბორგი (შვედ. Helsingborg) — ქალაქი სამხრეთ შვედეთში, მდებარეობს სკონეს ლენში. ფართობი 39,7 კმ², მოსახლეობა 126,754 კაცი (2009). ნავსადგური ერესუნის სრუტეში. სარკინიგზო და საავტომობილო ბორნით უკავშირდება დანიას (ჰელსინგერი).

მოსახლეობის დიდი ნაწილი დაკავებულია გემთმშენებლობაში, რეზინ-ქიმიურ, საფეიქრო, კერამიკულ და კვების მრეწველობაში, განვითარებულია ფერადი მეტალურგია.

გეოგრაფია

ჰელსინგბორგი ორესუნის სრუტეში მდებარე პორტია და დანიის საპორტო ქალაქ ჰელსინგერის პირდაპირ მდებარეობს. ჰელსინგბორგი დანიის სანაპიროებიდანაც ჩანს. ჰელსინგერს ორესუნის ხიდით უკავშირდება. ქალაქზე გადის ევროპული ავტოტრასა E4.

ჰელსინგბორგი ამავე სახელწოდების მუნიციპალიტეტის ადმინისტრაციული ცენტრია.

ჰავა

ჰელსინგბორგში ჰავა ზომიერია. წელიწადში საშუალოდ 500-600 მმ ნალექი მოდის. იანვრის საშუალო ტემპერატურაა -0,1 °C, ივლისისა - 16.8 °C.

ქრონოლოგია

1085 — ქალაქის პირველი ხსენება (21 მაისი)
1300 — ჩერნანის კოშკი აიგო
1400 — წმინდა მარიამის სახელობის ეკლესია აშენდა
1641 — იაკობ ჰანსენის სახლი ააშენეს, დღეისათვის უძველესი საცხოვრებელი სახლია.
1707 — რამლესის მინერალური წყაროები აღმოაჩინეს
1710 — ჰელსინგბორგის ბრძოლაში შვედებმა დანიელები დაამარცხეს
1810 — ქალაქში ჟან-ბატისტ ბერნადოტმა გადმოსხა ჯარი — მომავალში შვედეთის მეფე კარლ XIV-ემ
1891 — ჰენრი დუნკერმა დააარსა რეზინის ფაბრიკა
1892 — ჰელსინგბორგსა და ჰელსინგერს შორის პირველი ორთქლმავალი ბორანი წყებს კურსირებას
1897 — გაიხსნა რატუშა
1903 — ქალაქში ტრაიმავიმ დაიწყო სიარული (1967 ელამდე)
1921 — გაიხსნა ქვეყანაში პირველი ჰელსინგბორგის საქალაქო თეატრი
2002 — გაიხსნა ჰენრი დუნკერის კულტურული ცენტრი

მოსახლეობა

XIX საუკუნემდე ჰელსინგბორგი პატარა დაბა იყო 1000 კაციანი მოსახლეობით. მაგრამ XIX მეორე ნახევარში ინდუსტრიალიზაციის წყალობით მოსახლეობის სწრაფი ზრდა დაიწყო. უკვე 1900 წლისთვის აქ 25 000 კაცი ცხოვრობდა. თუმცა მომდევნო ათწლეულებში ასეთი სწრაფი ზრდა აღარ დაფიქსირებულა. დღეს ჰელსინგბორგი შვედეთის მერვე ქალაქია მოსახლეობის ნელი მატებით.

ეროვნული შემადგენლობა

ქალაქის მოსახლეობის უმეტესი ნაწილი ეთნიკური შვედია. უცხოელები (ანუ ისინი, ვინც შვედეთის ფარგლებს გარეთ დაიბადა, ან ვისი მშობლებიც ქვეყნის საზღვრებს გარეთ არიან დაბადებულნი) საერთო რაოდენობის 23,2% შეადგენენ. უცხოელთა შორის ბევრია დანიელი, სერბი, არაბი და ბოსნიელი ემიგრანტი. ქალაქში აგრეთვე ცხოვრობენ პოლონელები, ირანელები, ვიეტნამელები და სხვ. ჰელსინგბორგში სულ 160 ეროვნების წარმომადგენელი ცხოვრობს.

ღირსშესანიშნაობანი

ჰელსინგბორგის ისტორიული ნაწილი უამრავი ძველი სახლისგან შედგება სრუტის ნაპირებზე. განსაკუთრებულ ინტერესს რატუშა, ჩერნანის კოშკი (შვედ. Kärnan), წმინდა მარიამის სახელობის აგურიანი გოთიკის სტილის ეკლესია, ფრედრიქსდალის ღია მუზეუმი და ჰენრი დუნკერის კულტურილი ცენტრი იწვევს.