Ванадинит

Ванадинит – ванадаттар класының минералы. Химиялық формуласы Pb5[VO4]3Cl. Гексогональды сингонияда ұсақ призмалы немесе ине тәрізді кристалдар түзеді. Кристалдары бірігіп тау жыныстарындағы жарықшақтар мен қуыстардың қабырғаларына тізбектеліп өседі. Түсі сары, қоңыр, кейде қызыл, алмастай жылтыр. Қатты 3,0, морт сынғыш, меншік салмағы 6,66 – 7,10 г/см3. Көбіне сульфидтік қорғасын-мырыш кендерінің тотығу белдемдерінде түзіледі. Ванидинит көп мөлшерде шоғырланғанда ванадий кентасы ретінде пайдаланылады.