Federico Fellini
| Federico Fellini | |
|---|---|
 | |
| Genys |
20 Genver 1920  Rimini |
| Mernans |
31 Hedra 1993 Rom |
| Kenedhlogeth |
Itali |
| Alma mater |
|
| Galwesigeth |
kevarwodher fylmow, skrinskrifer, skornyas, artydh bondys delinys, skrifer, kevarwodher, awtour |
| Aswonnys rag |
La Strada, 8½, Amarcord, I Vitelloni, La Dolce Vita |
| Chyf delanwes |
Charlie Chaplin, Pablo Picasso |
| Pries |
Giulietta Masina |
| Pewasow |
Praemium Imperiale, Academy Honorary Award, BAFTA Award for Best Production Design, Blue Ribbon Awards for Best Foreign Film, Bodil Awards, Palme d'Or, David di Donatello for Best Director, David Luchino Visconti, David di Donatello for Best Original Script, David René Clair, Directors Guild of America, European Film Academy Lifetime Achievement Award, Film Society of Lincoln Center, French Syndicate of Cinema Critics Awards, Nastro d'Argento for Best Director, Nastro d'Argento for Best Screenplay, Q16156319, Kansas City Film Critics Circle Awards 1966, Kinema Junpo, Moscow International Film Festival awards, New York Film Critics Circle Awards, Sant Jordi Prize, SESC Film Festival, Grand Jury Prize of the Venice Film Festival, Golden Lion for Lifetime Achievement, Knight Grand Cross of the Order of Merit of the Italian Republic, Commander of the Legion of Honour, Silver Lion, David di Donatello |
| Gwiasva |
http://www.federicofellini.it/ |
| Eseleth |
Akademi Art ha Godhonieth Amerika |
Federico Fellini (20 mis Genver 1920 yn Rimini - 31 mis Hedra 1993 yn Rom) o gwrier fylmow ha kevarwodher italek. Fylmow Fellini a gesun kov, hunros ha fantasi.
An kynsa fylm kevarwodhys gans Fellini o Lo Sceicco Bianco (1951), gans Alberto Sordi, skrifys gans Michelangelo Antonioni hag Ennio Flaiano. Hag ow kul an fylm ma, Fellini a vetyas Nino Rota, an ilewydh may kwrussa y sewya rag remenans y resegva sewenus.
Fellini o demedhys dhe wariores Giulietta Masina (1921-1994) a-dhia 1943 bys dh’y vernans. Yn 1945, i a gavas mab a dreusvywas diw seythen hepken. Ev o aga unnik flogh. Masina a warias yn lies fylm gwrys ganso. Gwarioryon erel a oberi gans Fellini yn fenowgh a gomprehend Marcello Mastroianni, Alberto Sordi, hag Anita Ekberg.
A-der gul fylmow, ev a skrifas skriptow rag diskwedhyansow radyo, skrifa rag fylmow (dre vras rag Roberto Rossellini) ha gesyow rag gwarioryon a vri kepar ha Aldo Fabrizi. Ynwedh Fellini a wrug delinyansow (dre vras, pluven blomm war baper), yn fenowgh portrayansow hwarthus. Y sewena gynsa o delinya skrisellow argemyna rag fylmow.
Dres an oos Faskorieth, avel Avanguardista (an bagas konstrinus rag mebyon yowynk), y skrifow kynsa o rag Alleanza Cinematografica Italiana (ACI), kowethyans askorra Vittorio Mussolini, mab Benito Mussolini, neb a’y gomendya dhe Rossellini.
Yn 1944, wosa Faskorieth, ev a ygoras gwerthji yn Rom may kwerthas an delinyansow ynno. Gelwys veu an gwerthji yn Sowsnek, henn yw "The Funny Face Shop", hag a gomprehendas oberow gans Fellini ha De Seta, Verdini, Camerini, Scarpelli, Majorana, Guasta, Giobbe, Attalo, Migneco (skriforyon, kevarwodhyon po skiansogyon owth oberi rag cinema italek). Y’n keth bledhen y tallathas gweres Roberto Rossellini war an fylm Roma Città Aperta, gans Aldo Fabrizi. Fellini a'y gevrannas skrifa fylm aral: Paisà. Ev a skrifas ynwedh rag kevarwodhoryon erel kepar ha Alberto Lattuada, Pietro Germi and Luigi Comencini.
Yn 1987 ev a waynyas an Pewas Felshyp Akademi BAFTA, pewas rag kowlwriansow y vewnans. Yn 1993, ev a gavas Pewas Akademi (Oscar) rag kowlwriansow y vewnans.
Fylmow
[golegi | pennfenten]- Luci del varietà (1950)
- Lo Sceicco Bianco (1951)
- I Vitellon] (1953)
- La Strada (1954) Pewas Akademi (Oscar) (an gwella fylm tramor)
- Le Notti di Cabiria (1957) Oscar (an gwella fylm tramor)
- La Dolce Vita (1960) Oscar (an gwella gwiskow)
- 8 1/2 (1963) 2 Oscar (an gwella fylm tramor, an gwella gwiskow)
- Giulietta degli Spiriti (1965)
- Satyricon (1969)
- I Clowns (1970)
- Fellini's Roma (1972)
- Amarcord (1973) Oscar (an gwella fylm tramor)
- Fellini's Casanova (1976)
- Prova d'Orchestra (1979)
- La Citta' delle Donne (1980)
- E la nave va (1983)
- Ginger and Fred (1986)
- Intervista (1987)
-
Gwel dhyworth an fylm La Dolce Vita -
Fellini yn Gool Fylmow Cannes yn 1960 -
Gwel aral dhyworth an fylm La Dolce Vita -
Gwel dhyworth an fylm Amarcord
|
Onan a'n mil erthygel posekka war Wikipedya yw an erthygel ma. |