Dies Veneris pro posteritate
Dies Veneris pro posteritate[1] (Anglice Fridays for Future[2]) est motus oecologisticus internationalis ad actiones contra calefactionem globaliem petendas, quo discipuli studiosique participant scholam universitatemve aliquando Veneris die deserendo. Ratio talium demonstrationum publicarum est spes ut actio cursus scholasticos deserendi pericula calefactionis globalis ante oculos hominum politicorum ponitura sit.[3] Motus incepit mense Augusti anni 2018, cum Margarita Thunberg, discipula Suecica annos quindecim nata, sola ante legatorum coetum summum Holmiae consideret, insignia portans quibus operistitium scholasticum in favorem climatis (Suecice Skolstrejk för klimatet) annuntiaretur.
Historia
recenserePraeludium
recensere
Anno 2015 grex studentium independentium omnis orbis terrarum discipulos invitaverant ut cursibus scholasticis abstinerent die uno Congressus internationalis ad caeli statum emendandum quem Nationes Unitae Lutetiae celebrarunt. Pridie Kalendas Decembres, cum conventus iste Parisiensis portas suas patefecit, in terris centum discipulorum absentia a scholis sentiebatur. Iuvenes solliciti rebus tribus metuebant: de energiis naturae ambienti omnino parcentibus; de energiarum renovabilium usu; de auxilio dando hominibus ob caeli tumultus patriam relicturis.
Margaretae Thunberg actiones primae
recensereDie 20 Augusti 2018, Margarita Thunberg[4] disciplinas negligere in animo habuit tempore, quo suffragia politica in Suecia pararentur. Tunc in Suecia incendia varia in natura saeviebant et caelum inusitate caloratum esse videbatur. Manifestationes eius iungebantur petitioni ante senatores Suecicos ut emissiones carbonii dioxidi frenarent praecepta Parisiensia respecturi. Una cum aliis sodalibus cottidie ante publicum legumlatorum coetum obdurata permanebat indices monitorios indefesse in altum tollens. Die 7 Septembris declaravit se acta continuaturam usque ad diem, quo proposita Parisiensia de caelo emendando in Suecia implerentur. Sententiola dierum Veneris pro posteritate agendorum ubique permultos homines incendit atque expergefecit. Idibus Martiis 2019 denique in omni orbe terrarum operistitia maxima celebrabantur.
Nexus externi
recensere
|
Vicimedia Communia plura habent quae ad operistitia discipulorum pro caelo spectant. |
- Agentes Germani
- Situs proprius
- Margarita Thunberg, Luisa Neubauer i.a.?: „Wir wollen eure Hoffnung nicht. Wir wollen, dass ihr euch uns anschließt“. Apud: Frankfurter Allgemeine Zeitung, 15 Martii 2019.
- Megan Specia: Students Skip School Across Europe to Demand Climate Action Apud nytimes.com, 2 Februarii 2019 (Americanorum visio in Europam)
Notae
recensere- ↑ Haec appellatio a Vicipaediano e lingua indigena in sermonem Latinum conversa est. Extra Vicipaediam huius locutionis testificatio vix inveniri potest.
- ↑ https://web.archive.org/web/20190329195126/https://www.huffingtonpost.it/edoardo-ronchi/fridays-for-future-con-greta-nella-lotta-al-cambiamento-climatico_a_23664513/.
- ↑ Descriptio scoporum brevis.
- ↑ How teenage girls defied skeptics to build a new climate movement.