Puteus Zamzam

Peregrini Zamzam puteum visunt.

Aqua Zamzam in Europa dicta saepe in vasis plasticis huius generis ponitur.

Homines ad puteum Zamzam

Puteus Zamzam, vel Zamzam tantum (Arabice زمزم) est puteus intra mescitam al-Haram Meccae in Arabia Saudiana situs, 20 metra ad orientem versus Caabam iacens, locum sanctissimum in religione Islamica. Apud Mussulmanos puteus est fons aquae a Deo mirabiliter generatus, abhinc annorum milia ortus, cum Ismael (ʼIsmāʻīl), filius Abrahae (Ibrāhīm), sitiens, ut aquam haberet, vagiebat. Milliones peregrinorum puteum quotannis visunt cum peregrinationes hajj vel umrah perfunguntur, ut eius aquam bibant.

Bibliographia

• Hawting, G. R. 1980. The Disappearance and Rediscovery of Zamzam and the 'Well of the Ka'ba'. Bulletin of the School of Oriental and African Studies (Universitas Londiniensis) 43(1):44–54.
• Koshak, Yahya Hamza. 1999. Zamzam: The Holy Water. Jeddah: Koshak Research Institute.

Nexus externi

Situs geographici et historici: Locus: 21°25′21″N 39°49′35″E • Store norske Lexikon • Большая российская энциклопедия

Vicimedia Communia plura habent quae ad puteum Zamzam spectant.