Stigma (botanice)

Diagramma stigmatis.

Stigma (pl. stigmata) in botanice est docilis apex carpelli, vel nonnullorum carpellorum fusorum, in gynoecio floris.

Descriptio

In stigmate, una cum stylo et ovario, consistit pistillum, quod vicissim est pars gynoecii, reproductivi plantae organi. Stigma ipsum est stylodia, pars distalis styli. Stigma constat ex papillis stigmaticis, cellulis quae pollen accipiunt. Papillae solum in apice styli patere, vel praecipue in speciebus vento pollinatis, latam superficiem tegere possunt.

Stigma speciei Tulipae, cum granis pollenia.

Stigma a stamine lilii 'Stargazer' circumdatum.

Stigma pollen accipit, et super stigma granum pollenis germinat. Stigma, saepe viscosum, variis modis ad pollen capiendum et tenendum per varios capillos, lacinias, vel conformationes aptum est. Pollen capi potest ex aere (pollen a vento latum, anemophilia), ab insectis visitantibus aliisve animalibus, vel raro ex aqua circumdante (hydrophilia). Stigma variare potest a forma longa et tenue ad formam globuliformem vel pinnatam. Pollen plerumque est summe exsiccatum cum antheram relinquit. Demonstratum est stigma hydrationem pollenis et germinationem tubi pollenis promovendam adiuvare. Stigma etiam idoneam speciei rectae adhesionem praestat. Stigma partes agit in discriminatione pollenis, ac nonnullae reactiones repugnantiae sui quae pollen ex eisdem vel genetice similibus plantis reiciunt interactionem inter stigma et superficiem grani pollenis implicant.

Forma

Stigma saepe in lobis scinditur, exempli gratia triloba, et capiti acus simile (stigma capitatum), vel in medium vergere potest (stigma punctiforme). Forma stigmatis magnopere variatur.

Stigmata zeae (Anglice silk).

Formae stigmatis

Capitata et simplicia

Stigma trifidum

Variationes in forma et magnitudine styli et stigmatis.

Bibliographia

• Dahlgren, R. M., H. T. Clifford, et P. F. Yeo. 1985. The families of the monocotyledons. Berolini: Springer-Verlag. ISBN 978-3-642-64903-5.
• Edlund, Anna F., Robert Swanson, et Daphne Preuss. 2004. Pollen and stigma structure and function: the role of diversity in pollination. Plant Cell 16 (supplementum): 84–97. doi:10.1105/tpc.015800. PMC 2643401.
• González, A. M., et M. M. Arbo. 2016. Botánica Morfológica: Morfología de Plantas Vasculares. Corrientes Argentinae: Facultad de Ciencias Agrarias, Universidad Nacional del Nordeste.
• Rudall, Paula J. 2007. Anatomy of flowering plants: an introduction to structure and development. Ed. 3a. Cantabrigiae: Cambridge University Press. ISBN 9780521692458.
• Simpson, Michael G. 2011. Plant Systematics. Academic Press. ISBN 0-08-051404-9.
• Toothill, Elizabeth, ed. 1984. The Penguin Dictionary of Botany. Penguin Books. ISBN 0-14-051126-1.
• Weberling, Focko. (1981) 1989. Morphologie der Blüten und der Blütenstände Convertit Richard J. Pankhurst. CUP Archive. ISBN 0-521-43832-2.

Nexus externi

Vicimedia Communia plura habent quae ad stigma spectant.

• Diagramma gynobasicum.
• Formae et magnitudines stigmatum.
• Stylus terminalis contra stylum gynobasicum.