Alain Robbe-Grillet

Den Alain Robbe-Grillet, gebuer den 18. August 1922 zu Brest (Finistère) a gestuerwen den 18. Februar 2008 zu Caen (Calvados) war e franséische Schrëftsteller a Filmregisseur. Hie gëllt als ee vun den Haaptleit vum Nouveau Roman.

Alain Robbe-Grillet
Gebuertsnumm	Alain Paul Robbe-Grillet
Gebuer	18. August 1922 Saint-Pierre-Quilbignon
Gestuerwen	18. Februar 2008 Caen
Doudesursaach	Häerz-Kreeslafkrankheet
Nationalitéit	Frankräich
Aktivitéit	Schauspiller, Filmregisseur, Dréibuchauteur, Schrëftsteller, Romancier, Lauschterbuchspriecher, Literaturkritiker, Essayist, Agraringenieur, Regisseur
Member vun	Académie française
Famill
Bestuet mat	Catherine Robbe-Grillet

Biographie

Den Alain Robe-Grillet war e studéierten Agronom an huet am Ufank an deem Beräich geschafft. An den 1950er Joren huet hie sech ëmmer méi der Literatur konsakréiert. Säin éischte Roman war Les Gommes (1953). Hie gouf ee vun den Theoreetiker a Vertreider vum Nouveau Roman; 1963 koum seng Artikelserie Pour un Nouveau Roman am L'Express eraus.

De Robbe-Grillet huet d'Dréibuch vun L'Année dernière à Marienbad, dat den Alain Resnais 1961 verfilmt huet.

Seng Filmer haten dacks erotesch oder sado-masoschistesch Sujeten. Tëscht 1972 an 1997 huet en a verschiddenen Universitéiten an den USA an tëscht 1980 an 1988 op der ULB zu Bréissel Soziologie a Literatur enseignéiert.

2004 gouf en an d'Académie française gewielt, ass awer ni dohi gaangen, well en dee ganze Pomp als vereelzt fonnt huet. Seng Fra war d'Schrëftstellerin Catherine Robbe-Grillet.

Wierker

Romaner

Un régicide (1949) Les Gommes (1953) Le Voyeur (1955) La Jalousie (1957)

Dans le labyrinthe (1959) La Maison de rendez-vous (1965) Projet pour une révolution à New York (1970) Topologie d'une cité fantôme (1976)

Souvenirs du Triangle d'Or (1978) Djinn (1981) La Reprise (2001) Un roman sentimental] (2007)

Novell

• Instantanés (1962)

Essayen

Pour un Nouveau Roman (1963)

Le Voyageur, essais et entretiens (2001)

Autobiographesch Fiktioun

Le miroir qui revient (1985)

Angélique ou l'enchantement (1988)

Les Derniers Jours de Corinthe (1994)

Filmographie

als Regisseur

• 1962: L'immortelle, mam Françoise Brion, Jacques Doniol-Valcroze a Guido Celano
• 1966: Trans-Europ-Express, mam Jean-Louis Trintignant, Marie-France Pisier an Daniel Emilfork
• 1968: L'homme qui ment, mam Jean-Louis Trintignant, Sylvie Bréal an Ivan Mistrík
• 1971: L'Eden et après, mam Catherine Jourdan, Pierre Zimmer a Lorraine Rainer
• 1974: Glissements progressifs du plaisir, mam Anicée Alvina, Olga Georges-Picot a Michael Lonsdale
• 1975: Le jeu avec le feu, mam Jean-Louis Trintignant, Philippe Noiret a Sylvia Kristel
• 1983: La belle captive, mam Daniel Mesguich, Cyrielle Clair an Arielle Dombasle
• 1995: Un bruit qui rend fou, mam Fred Ward an Arielle Dombasle
• 2007: C'est Gradiva qui vous appelle, mam James Wilby an Arielle Dombasle

als Dréibuchauteur (Auswiel)

• 1962: L'année dernière à Marienbad, vum Alain Resnais mam Delphine Seyrig, Giorgio Albertazzi a Sacha Pitoëff

Präisser

• 1955: Prix des Critiques fir de Roman Le Voyeur.
• 1962: Louis-Delluc Präis fir de Film L'Immortelle.