Самегрело-Вини Сванетия

Самегрело-Вини Сванетия гуржи: სამეგრელო-ზემო სვანეთი
Пайдах Герб
Кьилин шегьер:	Зугдиди
ЧӀехи шегьерар:	Зугдиди, Поти, Сенаки
Уьлкве:	Гуржистан
Административ паюн:	1 крайдик квай шегьер, 8 муниципалитетар
Губернатор	Александр Моцерелия
Майдан:	7 441,5 км²
Агьалияр:	330 761 ксар. (5-лагьай)
· Агьалидин чуькьуьнвал:	44 ксар./км²
ЧӀал:	гуржи
Телефондин код:
Сятдин чӀул:	UTC+4:00
ISO 3166 код:	GE-SZ
Сайт:	Официал сайт

Самегрело-Вини Сванетия край (гуржи: სამეგრელო-ზემო სვანეთი) — Гуржистанда авай велаят я. Майдан — 7 441,5 км². Агьалияр — 330 761 кас (2014). Агьалидин чуькьуьнвал — 44 кас/км². Административ юкь — Зугдиди я. Самегрело-Вини Сванетиядик ЧӀулав гьуьлуьн рагъэкъечӀдай падни Мегрелиядин гьадак квай чилерни ЧӀехи Къавкъаздин цӀиргъен кьибле пад — Вини Сванетия. АдайтӀуз Ингури, Риони, Цхенискалини Хоби вацӀар физава. Гуржистандин виридалайни кьакьан велаят я.

География

Велаятди Гуржистандин рагъакӀидайпата чка кьунва. Кефер пата ам Россиядихъни Абхазиядихъ сергьят тухузава. Адак тарихвилин Мингрелиядин виридалайни чӀехи пайни Сванети региондин кефер пад ква.

Ам муьжуьд муниципалитетдал пай жезва, чпин административ юкьвариз талукь тӀварар алай — Абаша, Хоби, Мартвили, Местиа, Сенаки, Зугдиди, Чхорозгуни Заленджиха. Административ юкьв Зугдидини кьведлагьай шегьер Поти са муниципалитетдикни квайбур туш.

Велаятдин чилин гьяьркьувал 7441 кв.км. яз, Гуржистандин майдандин 10,6 % кьунва. И патай ам Гуржистанда кьведлагьай чкадал ала. Тамари 3,01 кв.км. кьунва, велаятдин чилин 40,7 %.

РагъакӀидай патахъай велаятди Абхазиядихъни ЧӀулав гьуьлуьхъ галаз сергьят тухузва. Кефер пата Къавкъаздин ЧӀехи цӀиргъенихь галаз. Кефер-рагъакъатдай патани рагъакӀидай пата Рача-Лечхуми-Агъа Сванетиядихъ галаз, кьибле-рагъакӀидай пата Имеретиядихъ галазни кьибле пата Гуриядихъ галаз.

Вини Сванетия Гуржистандин виридалайни кьакьан пад я. Адан майдандин 96 % 1000 метр кьакьанвилин дережадилай вине ава. 65,8 % 2000 метрдилай винихъ.

Агьалияр

2014 йисан велаятда 330 761 кас яшамиш жезвай. Гьабурукай 328 662 кас (99,37 %) гуржияр я, 1 173 кас (0,35 %) — урусар, гьакӀни украинвияр (312 кас), эрменарни (143 кас).

Самегрело-Вини Сванетиядал яшамиш жезвай гуржияр мингрелрални (97 % далди) сванрал (3 % далди) пай жезва. Сванар велаятдин кефер пата авай Сванетиядик квайбур я.

Агьалийрин 98,58 % православ хашпересар я. Мусурманар велаятдин агьалийрин 0,23 % я. ГьакӀни гьабурукай гъейри Армени хашпересвиликни Рим-католиквилик квайбур ава.

ЭлячӀунар

• Официал сайт Архивация 26 ноябрь 2020 йисан. (гур.)