Gambia

Republica de Gambia جمهورية غامبيا Republic of The Gambia
Informa jeneral
Capital:	Banjul
Lingua ofisial:	Engles, mandinca, uolof e fula
Dirije
Governa:
- Xef de stato:	Presidente Yahya Jammeh
- Xef de governa:
Otras
Area:	10,689 km²
Popla:	1,882,450
Densia:	176.1/km2
PIB:
Mone:	Dalasi (GMD)
Zona de ora:	GMT (UTC+0)
Numero de telefon:	+220
Interede:	.gm

Gambia (ofisial la Republica de la Gambia) es un pais en Africa ueste. Lo es intera ensircada par Senegal estra sua costa a la Mar Atlantica a sua fini ueste. Lo es la pais la plu peti en Africa continental.

Gambia es situada a ambos lados de la Rio Gambia, cual flue tra la sentro de la pais asta la Mar Atlantica. Sua area es 10 689 cilometres cuadrida, e sua popla a la conta de april 2013 ia es 1 882 450. La capital es Banjul, e la sites la plu grande es Serekunda e Brikama.

Gambia ave la mesma orijina istorial como multe otra nasiones de Africa ueste en la comersia de sclavos. Esta ia es la fator xef per crea e manteni un colonia longo la Rio Gambia, prima par la portugeses. Plu tarda, a 25 maio 1765, Gambia ia deveni un parte de la Impero Brites cuando la governa ia prende controla formal, instituinte la Provinse de Senegambia. En 1965, Gambia ia gania autonomia su la xefia de Dawda Jawara, ci ia rena asta cuando Yahya Jammeh ia saisi la potia en un colpa sin sangue en 1994.

En janero 2017, Adama Barrow ia deveni la presidente tre de Gambia, pos vinse Jammeh en un vota de desembre 2016. Jammeh ia refusa inisial aseta la resultas, cual ia provoca un crise constitual, un interveni militar par la Comunia Economial de Statos de Africa Ueste, e ultima la esclui de Jammeh.

La economia de Gambia es dominada par cultiva, pexa e spesial turisme. En 2008, sirca un tri de sua abitores ia vive su la linia internasional de povria (US$1,25 per dia).

La linguas major es engles (ofisial), mandinca, uolof e fula.