Bascetbal
![](http://upload.wikimedia.org/wikipedia/commons/thumb/7/7a/Basketball_shot.jpg/220px-Basketball_shot.jpg)
Bascetbal es un sporte multe popular en la mundo intera. On jua la sporte con un bal de 24 cm, ronda e orania cual bondi. On ia crea la sporte en Massachusetts en la Statos Unida de America en 1891. Bascetbal es la sporte du de la plu populares de la mundo. On jua bascetbal en la juas olimpial pos 1936.
Regulas
[edita | edita la fonte]On jua bascetbal con du ecipos. Cada ecipo ave sinco juores. La gol de la jua es gania plu puntos ca la ecipo oposante, par lansa la bal tra un sesto (vera, un reda suspendada de un anelo) alta fisada a un palo. On gania un punto par lansa la bal tra la sesto de la ecipo oposante. La campo de jua es retangulo, e on ave un sesto a la du lados corta.
La federa internasional de bascetbal (FIBA, sua acronim franses) governa la sporte internasional, ma la lega la plu conoseda en la mundo es probable la asosia nasional de bascetbal (NBA, sua acronim engles) de America Norde.