Induisme
Induisme | |
Informa | |
Tipo | |
Fundor | |
Gidor | |
Dio | Variosa |
Libro santa | Vedas, Bagavad gita, Puranas, Madjabarata, Ramadjana |
Nom de la seguores | Induistes |
Cuantia de seguores | 1100 miliones |
Induisme es un relijio fundida sur la credes orijinal de la poplas diversa de India (Barat). La testos sentral de induisme es la Vedas – fundida sur la naras de la popla nomida la aria ci ia invade India de la norde – e la Upanixades – comentas sur la Vedas par pensores plu tarda. Aora, la induisme es la relijio tre en la mundo par sua cuantia de persones, sirca 1.15 bilion persones.
![](http://upload.wikimedia.org/wikipedia/commons/thumb/e/ef/Brahma%2C_Vishnu_and_Shiva_seated_on_lotuses_with_their_consorts%2C_ca1770.jpg/300px-Brahma%2C_Vishnu_and_Shiva_seated_on_lotuses_with_their_consorts%2C_ca1770.jpg)
Induisme es nomida un relijio, ma ance un darma o via de vive, e la tradisiones inclui politeismes, monoteismes, panteisme, e agnosticisme . Lo ia es clamada la relijio la plu vea en la mundo, e algas refere a lo como la Sanatana Darma, "la tradision eterna" o "la via eterna", ultra la istoria de umania. Espertas regarda induisme como un fusa o sintese de cultures e tradisiones indian variosa, con radises diversa e no fundor. Esta sintese ia comensa entre 500 aec e 300 ce, pos la fini de la periodo vedal (1500 - 500 aec), e lo ia flori en la periodo medieval, con la declina de budisme en India.
An si induisme conteni un estende vasta de filosofias, estas es liada par consetas compartida, rituos reconosable, cosmolojia, testos compartida, e peregrinas a locas santa. Testos induiste es clasida entre Xruti ("oiada") e Smriti ("recordada"). Esta testos discute teolojia, filosofia, mitolojia, iadjna (rituos vedal), ioga, rituos agamal e la construi de templos, entre otra sujetos. Testos santa major inclui la Vedas, la Upanixades, la Puranas, la Mahabarata, la Ramaiana, e la Agamas. Fontes de autoria e verias eterna en sua testos ave un rol importante, ma on ave ance un tradision indu forte de duta autoria per profondi la comprende de esta verias e per developa plu la tradision.
Temas sinifiante en credes indu inclui la cuatro Puruxartas, la goles coreta de vive umana, per dise, darma (eticas e debes), arta'(labora e ricia), cama (desiras, pasiones), e mocxa (libri de la sicle de mori e renase); carma (ata, intende, e seguentes), samsara (la sicle de mori e renase), e iogas variosa (vias o praticas per ateni mocxa). Praticas indu inclui rituos como puja (adora) e resitas, djapal (mantras), medita, rituos de pasa orientada a la familia, festas anual, e peregrinas a veses. Alga indus abandona sua mundo sosial e poseses material, e comensa un vive de saniasa (praticas moncal) per ateni mocxa. Induisme promove debes eterna, como onestia, evita de dana viventes (ahimsa), pasiente, asteni, autorestrinje, e compati, entre otras.
![](http://upload.wikimedia.org/wikipedia/commons/thumb/1/1a/Raja_Ravi_Varma%2C_Goddess_Saraswati.jpg/300px-Raja_Ravi_Varma%2C_Goddess_Saraswati.jpg)
An si la cuantia de divines es cuasi infinita, en sua praticas, indus tende foca sur un o un cuantia limitada. La divines la plu popular (e la plu bon conoseda par persones estra la tradisiones de induisme) es estas:
La Trimurti, la tre dios jeneral asetada como fundal:
La Tridevi, tre divas, respeta como egal a la dios:
- Parvati (acc Durga, Cali, Uma, e Devi) - diva de fertilia, ama, sposi, fortia (sore de Vixnu e sposa de Xiva)
- Lacxmi (acc Sri Devi) - diva de ricia, belia, bon fortuna (sposa de Vixnu)
- Sarasvati - la diva de sabe (sore de Xiva, sposa de Brama)
La avatares de Vixnu:
- Crixna - la dio de compati e ama, comun descriveda como un pastor de boves, felis, de bon umor, e blu
- Rama - un avatar ci ia salva sua sposa Sita par destrui la mal re de demones Ravana
La fios de Xiva e Parvati:
- Ganexa - la dio de comensas nova e la sutrae de ostaculos, ci ave la forma de un elefante
- Carticea (acc Murugan, Scanda) - la dio de gera
![](http://upload.wikimedia.org/wikipedia/commons/thumb/9/92/Philadelphia_Museum_of_Art_-_Ganesha.jpg/300px-Philadelphia_Museum_of_Art_-_Ganesha.jpg)
La cuatro setas la plu grande de induisme es:
- Vixnuisme - adora focada sur Vixnu
- Xivaisme - adora focada sur Xiva
- Xactisme - adora focada sur Xacti, la aspeta fema e creosa de la divin, representada par la Tridevi
- Smartisme - adora de Xiva, Vixnu, Suria (la sol), Ganexa, e Parvati
Vixnu es ance adorada en un de sua multe avatares (incarnes): Rama, Crixna, Naraiana, Calci, Hari, Vitoba, Resava, Madava, Govinda, Srinatdji e Djaganat. Esta varia de Vixnuisme es nomida Bagavatisme, ma lo es la plu bon reconoseda como Crixnaisme.
Tre dios, no videda como multe importante oji, ia es la dios la plu importante en la testo santa la plu vea de induisme e de cualce relijio, la Rig Veda:
- Indra - la xef de la dios, la re de sielo (relatada a Zeus, Jupiter, Tor, pd la dios la plu potiosa en la mitos indoeuropean)
- Agni - la dio de foco e ofres, la "boca" de la dios (sua nom es relatada a la parola elinica for foco - "ignis", como en engles "ignite")
- Soma (acc Xandra, Indu) - la luna e la dio de medisines (asosiada con la bevida ritual, ance nomida soma