Muritania
| Republica Muslim de Muritania الجمهورية الإسلامية الموريتانية Al-Yumhūriyya al-Islāmiyya al-Mawrītāniyya République Islamique de Mauritanie | |||
|
| ||
.svg)
| |||
| Informa jeneral | |||
| Capital: | |||
| Lingua ofisial: | |||
| Dirije | |||
| Governa: | |||
| - Xef de stato: | |||
| - Xef de governa: | |||
| Otras | |||
| Area: | km² | ||
| Popla: | |||
| Densia: | |||
| PIB: | |||
| Mone: | |||
| Zona de ora: | |||
| Numero de telefon: | |||
| Interede: | |||
| |||
Muritania (ofisial la Republica Muslim de Muritania) es un pais en Africa norde-ueste. Lo es la pais des-un de la plu grandes en Africa e es bordada par la Mar Atlantica a la ueste, Sahara Ueste a la norde, Jazair a la norde-este, Mali en la este e sude-este, e Senegal en la sude-ueste.
La pais deriva sua nom de la rena berber antica Mauretania, cual ia esiste de la sentenio 3 aec asta la sentenio 7 en la norde estrema de lo cual es oji Magrib (Maroco) e Jazair. Sirca 90% de la tera de Mauritania es en la Sahara; par esta causa, la popla es consentrada en la sude, do lo presipita alga plu.
La capital e site la plu grande es Nouakchott, locada a la costa atlantica, do sirca un tri de la 3,5 milion persones de la pais abita. La governa ia es suvertida a 6 agosto 2008, en un colpa de stato militar gidada par Jeneral Mohamed Ould Abdel Aziz. A 16 april 2009, Aziz ia resinia de la militar per atenta deveni presidente en la vota de 19 julio, cual el ia gania.
Sirca 20% de muritanis vive con min ca US$1,25 per dia. Muritania sufri de alga problemes de diretos umana, incluinte sclavia, car a la min 4% de la popla (155 600 persones) es sclavida contra sua vole. Muritania ia es la pais final cual ia aboli legal la sclavia; lo ia deveni punable como un ata criminal sola en 2007.
La area de Muritania es sirca 1 030 700 cilometres cuadrida. Sua linguas major es arabi (ofisial), pular, sonince, franses, hasania e uolof.
