Restora (England)
La Restora de la monarcia engles ia aveni en la periodo Stuart. Lo ia comensa en 1660 cuando la monarcias engles, scotes e eres ia es tota restorada su la re Carlo 2. Esta ia segue la Interregnum, ance nomida Protejoria, cual ia segue la Geras de la tre renas.
La terma Restora es usada per descrive ambos la aveni par cual la monarcia ia es restorada e la periodo de varia anios a pos en cual un forma political nova ia es instituida. Lo es multe frecuente usada per covre la tota rena de Carlo 2 (1660-1688). En alga contestos pote es usada per covre la tota periodo de la res Stuart ultima asta la mori de la Rena Ana e la asende de Jorj 1 en 1714; per esemplo la comedia de la Restora ensirca obras scriveda asta 1710.