Valkyria

Sculta de un valkyria par Stephan Sinding, 1908, en Kobenhavn

En mitolojia norsce, un valkyria (de norsce vea valkyrja, "elejor de la matada") es un de un grupo de figures fema ci eleje los ci pote mori en batalia e los ci pote vive. Elejente entre dui de los ci mori (la otra dui vada a la campo Folkvangr de la diva Freia), la valkyrias prende sua elejeda a la salon de la matada, Valhala, renada par la dio Odin. Ala, la gerores morida deveni einherjar (norsce vea per gerores singular). Cuando la einherjares no es preparante per la avenis de Ragnarok (la batalia grande a la fini de la mundo), la valkyrias furni idromel a los. Valkyrias ance apare como amores de eroes e otra mortales, do los es a veses descriveda como fias real, a veses acompaniada par corvones, e a veses liada a sinies o cavalos.