Benjamin Franklin
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Benjamin Franklin (Boston, 17 jannewarie 1705/1706 – Philadelphia, 17 april 1790) waor eine vaan de Stiechvaajers vaan de Vereinegde Staote. Heer waor ouch ‘ne Amerikaanse politicus, weitesjapper en moralis.
Benjamin Franklin had ouch te make mèt weitesjappeleke vroagstökke en is veural bekind um zien publicaties euver elektriciteit. Heimèt kroog heer bekindheid en erkinning oonder mede-gelierde in Amerika en Europa. Heer bewees, door zien bekinde vleger-experiment tiedes ‘n onweer, dat bliksem ‘ne vörm vaan elektriciteit is en dat d’r positieve en negatieve laojing is. ‘t Is nog ummer controversieel of Franklin dit experimint daodwerkelek heet oetgeveurd (mèt de hand): modern reconstructies höbbe aongetoend tot heer dit gevierleke experimint vrijwel zeker neet zouw höbbe euverleef. In 1752 bedach heer de bliksemstang. Dit is mesjiens eerder oetgevoonde, aangezeen de sjuun tore van Nevyansk in Rusland nao verluut 25 jaor eerder d'r ein is oetgerus.