Dure

Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Dürener Platt, es te dit dialek sjpriks.

---

Ligking vaan 't stedsje in de krink en in Noordrien-Wesfale

Dure, Dürre of Düre (aofhangend vaan de spellingswieze, Duuts: Düren) is 'n Rienlandse stad en hoofplaots vaan de krink (Kreis) Kreis Düren, te Noordrien-Wesfale (Duutsland). Ze is de meis oostelek gelege stad vaan de Euregio Maos-Rien, boe-ouch oonder aandere Mestreech, Hesselt, Aoke en de stad Luik in ligke.

Mèt häör 85 km² en 88.953 inwoeners (2014) heet 't 'n bevolkingsdeechte vaan 1047 de veerkante kilometer.

De Op 125 meter hoegte ligkende plaots is te klein um stadsdistrikte te höbbe, mer 't gief dao wel 15 oortsdeile. In Dure weurt 'n euvergengsdialek vaan Limbörgs en Ripuarisch gesproke.

Dure is gemekelek te bereike vaanoet Heerle via de Heuvellandlijn.

In 1756 goof 't hei 'nen eerdsjók mèt 'n krach op de Sjaol vaan Richter vaan 6,1. Heimèt is 't ein vaan de groetse eerdsjókke oets gemete in de historie vaan Europa. Me kos häöm hiel sterk veule in Limbörg en waor zelfs meetbaar, mèt de awwerwètse instruminte vaan d'n 18e iew, in Straotsbörg, Amsterdam en Londe.

• 
  De Eulendom weurt op 't Dürisch 't Ühledömche geneump