F27 Friendship

Dit artikel is gesjreve (of begós) in 't Oeals. Laes hie wie v'r mit de versjillende saorte Limburgs ómgaon.

De F27 Friendship waerdje in 1954 door Fokker ontworpe om de aaje DC-3 Dakota te vervange. Ze waerdje oetgerös mit turbopropmotors veur gooj prestaties en ein hoog sjnelheid. Nao ein succesvol eerste vluch op 24 november 1955 waerdje ‘t prototype mit eine maeter verlengdj om ein probleem weg te werke det ontsjtong in de sjtert. Door de romp eine maeter langer te make waerdje dit opgelostj en koste ouch meer passageers waere verveurdj. De F27 booj de passageers en maatsjappieje veiligheid, ein good oetzich, comfort, weinig ongerhaad en gooj prestatie. Fokker boewdje zien vleegtuug mit materiale die sjterk maar toch lich ware. Hae gebroekdje ein liemmethode die toen revolutionair waas maar noe in bienao alle modern vleegtuuge waere toegepastj. Fokker goof ‘t Amerikaanse Fairchild Hiller lisensierechte die ‘t vleegtuug es FH-227 boewdje. Nao teentallen jaoren boewe, waerdje meer es 400 vleegtuuge aafgeleverdj. De verbaeterde variant, de F50, waerdje ouch ein groot succes.

Technische gegaeves

Lengte: 23,60 m.
Breidte: 29,00 m.
Heugte: 8,60 m.
Kruutssjnelheid: 485 km/u
Vleegbereik: 1150 km.