Cianca

SV	Questa pagina a l'è scrita in savuneize, a-a manea de l'Essiu d'a Ciann-a

De cianche int'in cianté

A cianca (dita toua ascì, töa in zeneize) a l'è 'n toccu de leĝn̂u ciattu, lungu e da-u prufì retanguläre, cun de facce paralele ch'i sun ciü lunghe che lärghe. E cianche i sun döviè in primmu lögu int'a carpenteria, e i sun inpurtanti int'a custruçiùn d'e näve, d'e cà, d'i punti e de benbén d'ätre strutüe.

In t'u savuneize, pe estensciùn, a cianca a l'è ascì u punte pedunäle insc'in riàn o in sciümme nu destinóu a veiculi, ma a-u mascimu biciclete.

Üxi

E cianche, int'i edifiççi, i sun döviè cumme elementi de susteĝn̂u urizuntäli. Misse int'e fundaçiuìn o pugiè insc'ê mu̇àgge, quande i rezzan pavimenti e sufite i piggian u numme de träve.

E cianche i l'ea asè inpurtanti ascì int'i trafeghi pe mä, dètu che u leĝn̂u u l'ea u materiäle ciü inpurtante pe a custruçiùn d'e näve. A ogni moddu, da-u XX seculu u leĝn̂u u l'è stètu scunpasóu da-u fèru e l'âçä, ch'i l'è fètu mèrmä e speize e cresce a düabilitè d'e näve.

Galeria de futugrafie

• 
  Venditù de cianche d'u Ghana
• 
  Taggiu d'u leĝn̂u in cianche int'ina segheria da Malaysia
• 
  Na cianca döviä cumme punte, Inghiltèra

Ätri prugètti

Altri progetti

• Wikimedia Commons

• Wikimedia Commons a contêgne di files in sce cianca