Teatro alla Scala
| Articul per Ladin Gherdëina | 
|
L Teatro alla Scala o nce me tlamà La Scala a Milan ie cunscidrà un di miëures teatri per opera dl mond, ma nce de balet y de mujiga tlassica. Da 244 ani ncà vën te chësc teater i plu stimei artistc dl mond.
La cësa dl teater ie unida fata sù sun dessëni de Giuseppe Piermarini per 3000 posć y inaugureda dl 1778. Te chël post fova dant l Teatro Ducale, desdrú dal fuech tl 1776. Si inuem vën dala dlieja Santa Maria alla Scala che ie stata desdruda per fé lerch al teater. Ntlëuta fova Milan sota Maria Teresad'Austria. La prima fova ntlëuta l opera "L'Europa riconosciuta" de Antonio Salieri.
Da canche la Scala ie unida fundeda ie ilo l cor, l balet y l orchester dla Scala, dal 1982 nce la Filarmonica. Daujin al teater ie l Casino Ricordi sënta dl Museum dl Teater dla Scala.
_-_Vedute_di_Milano_-_71_-_S._Maria_alla_Scala_-_ca._1745.jpg)
Do che la cosera Maria Teresa ova lascià fé su l teater nuef, chësc nen univa nia me usà per f´operes y cunzerc ma nce festes da bal de uni sort y nchina mei na bisca, ntan che l juech fova pruibì a Milan.
Nce l tenor Vinzenz Maria Demetz da Fëur à ciantà tla Scala.
L coordinatëur artistich dla Scala ie dal 2020 l musicologh badiot André Comploi.
