Piano

Quel articul chì l'è scrivüü in Lumbard, cun l'urtugrafia insübrica ünificada.

El piano (el nomm intregh l'è pianufort, ch'al ven del talian pianoforte) l'è un strüment müsegal cunt una tastera. Un piano nurmal al gh'ha 88 tast. I piano druven i tast per möv di martell che i pica sura i cord lé denter, e pöj i fann son. I piano i henn in do misür de bas: grand piano e piano a mür. El piano a l'è staa un strüment devera popular ind la müsega classega de l'Ucident fina del tard XVIII secul. Chel lü ch'el suna el piano al ven ciamaa pianista.

Storia

El piano l'è staa inventaa del Bartolomeo Cristofori de Padua, in Italia. Lü l'ha faa sö 'l so prim piano ind el 1709. Ind el principi, el strüment el se ciamava "fortepiano", ch'al vör dì "fort-pian" in talian. El Cristofori l'ha desvelüpaa del clavicembal che'l par cume un piano, ma i cord del clavicembal i henn picaa de una lama picinina de metal. Ind el piano i cord i henn picaa de un martell. I prim strümencc a tastera, cume el clavicembal e l'orghen, ch'i eren druvaa a chel temp lé, i even una tastera debon püssee cürta respett a incö. Gradüalment la tastera l'è devegnüda püssee lünga fina a quand l'è rüvada a i 88 not (7 utav püssee tre not) del piano d'incö.

Ligamm de föra

Storia del Piano Arqiviad qé: [1] , Association of Blind Piano Tuners, UK
The Piano Encyclopedia- Sit che'l fa vidé cume sunà e fà sö müsega.
The Frederick Historical Piano Collection
Materiaj de legn de un piano
Piano Room
Martha Beth Lewis' Piano Page Arqiviad qé: [2] - Infurmaziun ütil söl piano