Olsztyn
Olsztyn (Allenstein in todesch stòrigh) a l'è ona città de la Polònia del nòrd-est.
La città l'è 'l capploeugh del Voivodaa de Varmia-Masuria e del distrett omònim. L'è la sede de la diòcesi de Varmia (cattòliga) e de la diòcesi de Masuria (luterana). In del 2014 la cuntava 173.831 abitant.
Stòria
[Modifega | modifica 'l sorgent]Olsztyn l'è stada fondada in del 1334 longh el fiumm Łyna, in todesch Alle: de fatt el nòmm original de la città l'era quell todesch de Allenstein.
Olsztyn la s'è trovada in de la zòna indè che se combatteven i polacch e l'Ordin Teutònigh e per quest l'è stada trada giò on fracch di vòlt. A Olsztyn l'ha vivuu per on poo de temp el Nicolò Copernich, che chì l'ha scritt ona bòna part del sò liber De revolutionibus.
In del 1772 l'è finida in del domini de la Prussia, e inscì l'è staa finna a la nassida de la noeuva Polònia in del 1918.
Gemellagg
[Modifega | modifica 'l sorgent]
Rovaniemi, Finlandia.
Châteauroux, Francia.
Calpe, Spagna.
Gelsenkirchen, Germania.- Offenburg, Germania.
Kaliningrad, Russia.
Luc'k, Ucraina.
Richmond, Statt Unii.
