Ḍâpor

Ḍâpor iyâ arèya kennangan, biasana bâdâ è dâlem roma, èyangghuy ghâbây kennanga amassa’ bân nyeḍia’aghi kakanan. Manorot KBBI, ḍâpor arèya kennanga amassa’. Kalakoan kaḍi’ rèya enyamaèn kagiadhân amassa’. È laèn sisi, kata ḍâpor kennèng èghâbây noddhu kagiadhân amassa’ bân jhughân hasèl dâri kagiadhan panèka.

Ropana Ḍâpor

Abhârengan kalabân perkembangan budaya bân teknologi, ropana ḍâpor jhughân aobâ. Parencanaan ḍâpor modern jhâman satèya noro’ prinsip segitiga sè notoraghi tello’ ghunana ḍapor, èngghi panèka kennanga nyabâ’ (akadhi kolkas), kennanga nyiapaghi, bân kennanga amassa’. Prinsip rèya ètotoraghi sopajâ tello’ prinsip arowa tak salèng ngalangaghi, tor jhughân jarak antara sè tello’ tak jhâu.

Ropana ḍâpor sè biasana èbâdâ’aghi iyâ arèya:

• Sakabbhina fungsi sè kasebbhut è attas èsabâ’ è sèttong tembok, sa’èngghâ prinsip segitiga arèya dhâddhi sèttong ghâris (sèttong tembok). Ropa rèya korang efektif namong ahemat kennangan.
• Ropa laèna dari fungsi è attas iyâ arèya ḍâpor ètata è ḍuwa’ tembok sè alabânan arah.
• Ropa dapor L, arèya pakakas ḍâpor esabâ’ e ḍuwa’ tembok se apesa (e bhucoh).
• Ropa dapor U, arèya ngennangaghi 3 tembok.

Ḍhâng-kadhâng, ḍâpor jhughân andi’ kennangan sè bisa èghâbây kennanga ngakan.