Naghâ

Naghâ (Madhurâ: ꦤꦒ) iya arèya sala sèttong mahlok legenda sè andi' pertabheât sarobâ sareng reptil sè poddul dâlâm bânynyak carèta rakyat dâlâm macâmma budhâjâ è dunynyah. Kaparcajâân ka naghâ dhá-bidhâh ka tèyap daerah, angèng naghâ dâlâm mitologi bárá' sajjhek awwâl abad pertengngaan atas èdeskripsiaghi mènangka mahlok sè andi' bhângbâng, tandu',empa' sokoh,bân bisah makalowar nafas apoy.dhinèng, dâlâm budhâjâ tèmor, naghâ biasanah èghâmbhâraghi mènangka mahlok ta' andi' bhângbâng, andi' empa' sokoh, andi' blittok akanta olar kalabân mecerdasan sè èattas rata-rata. Salaèn Rowa, naghâ èghâmbhâraghi andi' sèfat sè iya arèya camporan dâri fitur dâlâm ras felin, aves, bân reptil. Para mahasiswa aparcajâih bahwa kemungkinan sè rajâ panèka ghâmbhârân dâri bhâjhâh, khususnya sè andi' pertabheât tempat dhingghâlah, yakni è rabâ-rabâ otabâ alas lebbhâ', kèya struktur tubuh nah, adhâddhiyaghi kèbân rèya mènangka asal-usul ghâmbhârânna dâri naghâ Oriental modern.

Etimologi

Istilah "naghâ" iya arèya cator serapan dâri bhâsa Sanskerta, yakni nāgá (नाग) sè artèna "olar kobra" sè asalla dâri penyamaan olar kobra India (Naja naja). Sinonim untuk nāgá panèka phaṇin (फणिन्). Sabhendereh bâdâh pan-bârâmpan cator sè keya artèna "olar" secara umum, bân sala sèttong sè palèng segghut èghunaaghi arèya sarpá (सर्प). Kadhâng, cator nāgá kèya andi' artè mènangka "olar" secara umum. Cator kasebbhut andi' cator asal sè padâ kalabân snake dâlâm bhâsa Inggris, bân cator snake asallah dâri bhâsa rumpun Jermanik: *snēk-a-, Proto-IE: *(s)nēg-o- (kalabân pergerakan s).

Dâlâm bhâsa Inggris, cator dragon asallah dâri bhâsa Prancis Kuno sè masok ka dâlâm bhâsa Inggris ka awwâl abad ka-13, cator dragon kasebbhut kèya asallah dâri bhâsa Latin: draconem (blittok normatif dâri draco) sè artèna "olar bhuta naghâ", dâri bhâsa Yunani Kuno δράκων, drákōn (cator genitif dâri δράκοντος, drákontos) "olar laot, olar bhuta".Istilah naghâ dâlâm bhâsa Yunani bân Latin mengacu ka olar dimmaah beih sè okorannah rajâ bân ta' koduh mènangka mahlok mitologi. Cator bhâsa Yunani δράκων kemungkinan sè rajâ asallah dâri cator kerja dâlâm bhâsa Yunani δέρκομαι (dérkomai) sè artènah "engko' ngabâs", bân dhâddhi ἔδρακον (édrakon) dâlâm blittok aorist. Asal-usul nyamah rèya sè kemungkinan dhâddhi sebbhudhân kaangghuy sesuatu sè andi' "tatapan sè mamateh" otabâ mata sè memancarkan cahaya sè ta' biyasah otabâ "tajhâm",kèya bisah berarti kaangghuy aghâmbhâraghi mata olar sè abâsnah maloloh tabukka' bân setiap dâri mata kasebbhut ollè ngabâs menembus kelopak matana sè transparan bân asèssè', sè atotop secara permanen. Cator dâlâm bhâsa Yunani kasebbhut kèya kemungkinan asallah dâri basis cator *derḱ- dâlâm bhâsa Indo-Eropa sè artèna "ngabâs"; bân akar cator bhâsa Sansekerta दृश् (dr̥ś-) sè kèya artèna "ngabâs".