Ayam pop
| Ayam pop.JPG Sepotong ayam pop | |
| Asa | |
|---|---|
| Nagara | Indonesia |
| Daerah | Sumatra Barat |
| Detail | |
| Bahan utamo | Daging ayam, air kelapa, bawang putih, minyak kelapa |
Ayam pop adolah makanan nan babahan dasar dagiang ayam barasal dari Provinsi Sumatra Barat. nan membedakan ayam pop jo ayam goreng adolah ayam pop punyo warna nan masih putiah pucek katiko salasai dimasak. Hal itu dikaranokan sabalun digoreng, ayam pop nan alah diagiah bumbu dirabuih manggunokan aia karambia jo bawang putiah cincang. Sasudah itu, ayam baru digoreng sabanta di dalam minyak angek supatyo masak samparono dan mandapekkan saketek tekstur badaruak. Ayam pop biasanyo dihidangkan jo samba lado (sambal) tomat dan sayua daun pucuak parancih diabuih.
Asal-usul
[suntiang | suntiang sumber]Sabananyo, asal-usul ayam pop alun diketahui sacaro pasti. Namun, babarapo sumber mangatoan kalau hidangan iko barasa dari salah satu restoran di Bukittinggi yaitu Restoran Family Benteng Indah nan alah ado sajak tahun 1963.[1][2] Pado awalnyo restoran tasabuik hanyo manjua ayam goreng kariang biaso. Suatu hari katiko pesanan mulai banyak, nan punyo restoran marabuih ayam dalam jumlah banyak dalam santan sarato cincangan bawang putiah lalu digoreng sabanta supayo pelanggan indak menunggu lamo. Sangajo atau indak, hidangan ayam pop menjadi populer karano bantuaknyo nan beda dari ayam goreng pado umumnyo dan punyo aroma khas dari aia karambia dan punyo raso nan labiah gurih.[3] Hidangan iko manjadi favorit warga katurunan Tionghoa di Bukittinggi wakatu itu karano ayam pop nan bawarna putiah pucek tampak sarupo jo ayam Hainan nan marupokan hidangan ayam rabuih khas Tionghoa. Dinamokan ayam pop karano pado maso itu, restoran acok maadokan pertunjukan musik dan genre musik nan populer saat itu adolah musik pop, jadilah namo ayam pop dipakai sampai kini.[3][4]
Ada juo sumber nan mangatokan kalau ayam pop mulai populer di tahun 1976. Salah satu restoran populer Sumatra Barat yaitu Simpang Raya nan partamo kali mampopulerkan namo iko jo manyabuik hidangan ayam goreng mereka jo namo ayam pop,[5] sahinggo babarapo cabang Simpang Raya (mayoritas di lua Sumatra Barat) menambahkan slogan "Istana Ayam Pop" dan dipatenkan menjadi salah satu hidangan utamo di restoran tasabuik.[5]
Meskipun banyak versi tantang asal-usul ayam pop, hinggo kini mayoritas restoran masakan Sumatra Barat acok menyajikan ayam pop sebagai salah satu menu mereka. indak hanyo restoran lokal, babarapo cabang restoran nan buka di lua Sumatra Barat pun manyaratokan ayam pop dalam menu restoran mereka. Sahinggo, ayam pop pun mulai dikenal sacaro nasional.
Panyajian
[suntiang | suntiang sumber]Bumbu ayam pop kabanyakan masih rahasio dimasiang-masiang restoran karano tiok restoran mampunyoi ciri khas masiang-masiang dalam hidangan ayam popnyo. Namun, pado dasarnyo, bumbu nan digunokan adolah bawang putiah, jahe, dan kemiri nan dihaluihkan, salanjuiknyo ditumis jo sarai, garam, daun limau, atau parahan aia jeruk nipis. Setelah jadi, dagiang ayam dilomok i jo bumbu salanjuiknyo dirabuih manggunokan air karambia sampai masak. Meskipun alah masak sasudah dirabuih, ayam digoreng baliak sabanta dalam minyak angek untuak mambarikan saketek tekstur badaruak. indak disarankan untuak manggoreng ayam talampau lamo karano ayam akan manjadi kariang dan kecoklatan. Ayam pop mampunyoi ciri khas warna nan putiah pucek jo tekstur agak badaruak, tetapi dagiangnyo tetap lambuik dan harum.
Sebagai pendamping, ayam pop disajikan jo samba lado tomat nan dibuek dari lado merah, potongan tomat, dan bawang merah nan digiliang sampai haluih, salanjuiknyo ditumis sabanta. Setelah itu hidangkan jo daun pucuak parancih nan dirabuih sabanta sebagai pendamping. Penyajian daun pucuak parancih nan dirabuih adolah hal nan lumrah ditamukan dimano sajo basamo jo ayam pop.
Referensi
[suntiang | suntiang sumber]- ↑ Intan, Ruhaeni (2021-08-11). "Mengulik Menu Ayam Pop: Sejarah, Resep, dan Tips Membuatnya". id.theasianparent.com (dalam bahasa Indonesia). Diakses tanggal 2022-04-26.
- ↑ Times, I. D. N.; Putri, Rahmadila Eka. "6 Trivia Ayam Pop khas Minang, Bukan Sekadar Ayam Goreng!". IDN Times (dalam bahasa Indonesia). Diakses tanggal 2022-04-26.
- ↑ a b Travel Kompas:Ini Asal-Usul Ayam Pop khas Minang. 31 Juli 2017. Diakses 17 Februari 2019.
- ↑ Apasih: Cari Tahu Asal-Usul Ayam Pop yang Populer di Bukittinggi. 27 November 2017. Diakses 17 Februari 2019.
- ↑ a b Rahmawati, Mila (2009). Sukses Bisnis Rumah Makan Padang. Niaga Swadaya. p. 42.
Bacaan lanjutan
[suntiang | suntiang sumber]- S.Y., Sufi. "Resep Ayam Pop Khas Padang, Lengkap dengan Sausnya". KOMPAS.com. Diakses tanggal 10 Oktober 2020.
- Dimyati, Vien. "Resep Ayam Pop Khas Minang, Daging Empuk hingga Tulang". iNews.ID. Diakses tanggal 10 Oktober 2020.
- SPF: Ayam & Bebek Panggang & Goreng. Gramedia Pustaka Utama. pp. 28–. ISBN 978-979-22-3112-0. https://books.google.com/books?id=LvHS8gI86f8C&pg=PA28.
- Murdjiati Gardjito, Lia Muliani, Chairunisa C (2019). Pusaka Nenek Moyang, Yang Pantang Disayang- KULINER MINANGKABAU. Gramedia Pustaka Utama. pp. 105–. ISBN 978-602-06-3238-4. https://books.google.com/books?id=UTCyDwAAQBAJ&pg=PA105.
- Andriati Ramli (2008). Masakan Padang Popular & Lezat. Niaga Swadaya. pp. 11–. ISBN 978-979-1477-09-3. https://books.google.com/books?id=kK3o9sR_Xr0C&pg=PP11.