Datang bulan
Datang bulan, atau haid (dari bahaso Arab, حيض), atau menstruasi adolah faal kaluanyo darah urang padusi nan sadang dalam maso subur satiok sakali sabulan dari rahimnyo malalui lubang faraj. Darah nan mangalia kutiko datang bulan itu kalua akibat dindiang rahim sadang dalam maso luruah. Sakali maso haid biasonyo tajadi 5-7 hari, ionyo bagian dari satu kitaran hormon nan tajadi salamo 21-35 hari, dengan rato-rato 28 hari.
Umua partamo urang padusi mandapek haid kebanyakannyo antaro umua 9 sampai 12 tahun, walau ado juo nan baru mandapeknyo di umua 13-15 tahun[1], bagantuang jo genetik urang tasabuik. Urang padusi akan taruih mangalami kitaran datang bulan dan akan baranti katiko alah sampai umua menopouse, kiro-kiro umua 45-55 tahun.[2] Urang padusi juo akan baranti mangalami datang bulan katiko hamil.
Kutiko wakatu datang bulan, urang padusi nan mandapek datang bulan biaso mamakai pambaluik untuak manampuang darah nan kalua dek karano faal tubuahnyo; labiah-labih kutiko malam, tarutamo wakatu lalok. Pamakaian pambaluik iko untuk mailakän darah jan takanai ka pakaian.Pambaluik paralu diganti saindak-indaknyo 3-5 kali sahari untuk mailakän terjangkit panyakik pado faraj dan masälah-masälah lain.[3]
Rujuakän
[suntiang | suntiang sumber]- ↑ Rustam, Erlina (2015-01-01). "Gambaran Pengetahuan Remaja Puteri Terhadap Nyeri Haid (Dismenore) dan Cara Penanggulangannya". Jurnal Kesehatan Andalas. 4 (1): 289. doi:10.25077/jka.v4i1.236. ISSN 2615-1138.
- ↑ Schuiling, Kerri Durnell; Likis, Frances E. (2013) (dalam bahaso en). Women's Gynecologic Health. Jones & Bartlett Publishers. ISBN 978-0-7637-5637-6. https://books.google.co.id/books?id=pj_ourS3PBMC&pg=PA94&redir_esc=y#v=onepage&q&f=false.
- ↑ "Pentingnya Menjaga Kesehatan Reproduksi Saat Mentruasi". ayosehat.kemkes.go.id. Diakses tanggal 2024-03-24.