Lompat ke isi

Michelle Yeoh

Wikipedia Minangkabau - Lubuak aka tapian ilimu
Yang Berbahagia Tan Sri Dato' Seri

Michelle Yeoh

PSM (Malaysia); SPMP, DPMP (Perak)
楊紫瓊
Yeoh taun 2023
Lahia
Yeoh Choo Kheng[1]

06 Agustus 1962 (umua 62)
Ipoh, Perak, Federasi Malaya
Namo lainMichelle Khan
PandidikanRoyal Academy of Dance (BA)
KarojoAktris
Taun aktif1983–kini
Pasangan
Michelle Yeoh
Cino tradisional: 楊紫瓊
Cino sederhana: 杨紫琼
Alih aksara
Mandarin
- Hanyu Pinyin: Yáng Zǐqióng
Templat:IPAc-cmn
Yue (Kantonis)
- Jyutping: Joeng4 Zi2-king4
Templat:IPAc-yue

Tan Sri Dato' Seri Michelle Yeoh (lahia di Ipoh, Malaysia, 6 Agustus 1962; umua 62 taun),[1][2] adolah namo pangguang dari surang aktris Malaysia nan tamusaua. Banamo lahia Yeoh Choo Kheng (Hanzi tradisional: 楊紫瓊; Hanzi sadarano: 杨紫琼; Pinyin: Yáng Zǐqióng), sarato disabuik juo jo namo Michelle Khan pado filem-filem awanyo di Hong Kong, inyo samakin tanamo sajak taun 1980-an jo 1990-an satalah acok baperan dalam filem-filem lago Hong Kong, di mano inyo malakuan aksi-aksi lagonyo surang. peran-peran tu antaro lain dalam Yes, Madam (1985), Magnificent Warriors (1987), Police Story 3: Super Cop (1992), The Heroic Trio, Tai Chi Master (kaduonyo 1993), jo Wing Chun (1994).

Sasudah Yeoh pindah ka Amerika Sarikat, inyo mandapek pangakuan internasional karano mambintangi filem James Bond Tomorrow Never Dies (1997) jo filem beladiri karya Ang Lee Crouching Tiger, Hidden Dragon (2000), nan mambueknyo dinominasikan Pangharagoan Aktris Utamo Tabaiak BAFTA. Kariernyo di Hollywood balanjuik jo peran-peran dalam Memoirs of a Geisha (2005), Sunshine (2007), The Mummy: Tomb of the Dragon Emperor (2008), Reign of Assassins (2010), Kung Fu Panda 2 (2011), jo The Lady (2011), di mano inyo baperan sabagai Aung San Suu Kyi.

Yeoh mamainan peran-peran pandukuang dalam kumidi romantis Crazy Rich Asians (2018) jo Last Christmas (2019), sarato dalam filem Alam Sinema Marvel Shang-Chi and the Legend of the Ten Rings (2021) jo serial televisi Star Trek: Discovery (2017–2020). Untuak perannyo sabagai Evelyn Quan Wang, saurang induak samang (martriark) nan kawalah bapindah-pindah antar alam multisamasta dalam Everything Everywhere All at Once (2022),[3] inyo mamanangan Academy Award untuak Aktris Tabaiak, inggo manjadi urang Asia patamo[lower-alpha 1] nan mamanangan kategori tu, sakaliguih urang Malaysia patamo nan mamanangan Academy Award.

Situs web agregator ulasan filem Rotten Tomatoes mamaringkek Yeoh sabagai 'pahlawan padusi' (heroine) lago tagadang sapanjang maso pado taun 2008.[6] Pado taun 1997, inyo tapiah dek People sabagai salah satu "50 Urang Paliang Kamek di Dunia",[7] jo pado taun 2009 dek majalah nan samo mamilihnyo sabagai salah satu dari "35 Urang Kamek Laya Perak Sapanjang Maso".[8] Pado taun 2022, Time mamiliahnyo sabagai salah satu dari 100 urang paliag bapangaruah di dunia dalam daftar taunannyo jo sabagai Ikon Taun Iko.[9][10] Pado taun 2024, inyo manarimo Presidential Medal of Freedom dari Presiden Amerika Sarikat.

Kaidupan awa jo pandidiakan

[suntiang | suntiang sumber]

Yeoh lahia pado 6 Agustus 1962 di Ipoh, Perak,[11] sabagai anak dari Janet Yeoh jo Yeoh Kian-teik. Apaknyo tapiliah sabagai Senator Malaysia sajak taun 1959 inggo 1969 (mawakili Asosiasi Cino Malaysia Perak),[12][13][14] Katua dari Asosiasi Pangacaro Perak,[12] jo pandiri dari "Sri Maju" pado taun 1975, sabuah parusaoan gadang bus antarkota di Malaysia jo Singapura.[12][15] Walaupun bakaturuan Hokkian jo Kanton,[16] inyo tumbuah babicaro jo bahaso Inggirih ka apaknyo sarato mangarati saketek bahaso Kantonis Malaysia dari mande amaknyo nan tingga basamo kaluargo mareka.[17] Inyo kudian baraja bahaso Kantonis sampai pasiah pado taun 1980-an jo tingkek tatantu bahaso Mandarin pado taun 2000-an. Musiki baitu, inyo indak panah baraja mambaco atau manulih tulisan Cino, nan disabuiknyo sabagai panyasalannyo nan tagadang.[18]

Yeoh sanang manari sajak mudo, inyo mulai balatiah balet sajak umua ampek taun. Inyo baraja di Sikola Manangah Kabangsaan Convent Ipoh, sabuah sikola manangah kusuih anak padusi, untuak pandidiakan dasanyo. Pado umua 15 taun, inyo pindah basamo urang tuonyo ka Inggirih. Di sinan, inyo masuak ka The Hammond School, Chester, di mano inyo mulai balatiah sabagai panari balet.[19][20] Namun, cidera tulang balakang managahnyo untuak manjadi panari balet profesional, sudah tu inyo mamindahan paratiannyo ka koreografi jo seni lainnyo.[21] Inyo mandapek gala Sarjana Seni dari Universitas Metropolitan Manchester pado taun 1983.[22]

Karier

[suntiang | suntiang sumber]

Karier awa jo pansiun partamo (1983-1991)

[suntiang | suntiang sumber]

Pado taun 1983, Yeoh nan baumua duo puluah taun mamanangan lomba Miss World Malaysia.[23] Inyo marupoan pawakilan Malaysia pado patandiangan Miss World 1983 di London, di mano inyo mandapek urutan kadalapan baleh.[24] Kudian pado taun itu juo, inyo pai ka Australia di mano inyo manang dalam patandiangan Miss Moomba International 1984.[25] Karajo akting partamonyo iolah iklan komersil televisi untuak jam Guy Laroche basamo Jackie Chan.[25] Hal iko manariak paratian parusaoan produksi filem Hong Kong nan baru badiri, D&B Films. Musiki Yeoh mangarati sacaro pasif bahaso Kantonis Ipoh nan dipakai di kota kalahiarannyo, inyo alun dapek mangecekannyo. Dalam pambicaroan telepon babahaso Kantonis, inyo ditawarkan untuak mambintangi iklan komersil televisi basamo urang nan banamo Sing Long, jo baru manyadari baso itu adolah namo Kantonis Jackie Chan satalah inyo tibo di studio.[26] Inyo baraja mangecek Kantonis kutiko mamuloi kariernyo di Hong Kong.[27]

Yeoh mamuloi karier aktingnyo dalam filem-filem lago jo beladiri, di mano inyo malakuan lagonyo surang.[28] peran utamo partamonyo adolah pado filem katigonyo, Yes, Madam (1985).[21][29] Yeoh awanyo mamakai namo samaran Michelle Khan, sabuah namo pangguang nan dipiliah dek D&B Films untuak manariak panonton international jo Barat. Pado taun 1987, Yeoh manikah jo suami partamonyo Dickson Poon, salah saurang pandiri D&B Films, sarato mamutuihan untuak pansiun dari dunia akting.[30]

Baliak lai sabagai bintang lago (1992-2001)

[suntiang | suntiang sumber]
Yeoh pado Festival Filem Cannes 2000

Satalah limo taun manikah, Yeoh bacarai jo Poon dan baliak lai ka dunia akting lewaik filem Police Story 3: Super Cop (1992).[23] Inyo muncua dalam The Heroic Trio (1993), jo filem-filem Yuen Woo-ping Tai Chi Master jo Wing Chun masiang-masiang pado taun 1993 jo 1994.

Inyo manuka baliak namo pangguangnyo manjadi Michelle Yeoh kutiko mamuloi kariernyo di Hollywood dalam Tomorrow Never Dies pado taun 1997.[23] Pado filem James Bond taun 1997 tu, inyo nan baperan sabagai Wai Lin mangadu akting jo bitang filem Pierce Brosnan.[31] Brosnan maraso kagum, Yeoh digambakan digambaan sabagai "aktris lua biaso" nan "serius jo basungguah-sungguah taradok karajonyo."[32] Inyo manyabuik Yeoh sabagai "James Bond padusi" dek marujuak ka kamampuannyo bataruang. Yeoh nio malakuan aksi babahayonyo (stunt) surang tapi dilarang dek sutradara Roger Spottiswoode nan maanggapnyo babahayo bana. Walau baitu, Yeoh malakuan kasado adegan pataruangannyo surang.[33][34]

Pado taun 1997, Yeoh baperan sabagai Soong Ai-ling dalam filem The Soong Sisters nan mamanangan pangaragoan. Inyo diubuangi dek sutradara Ang Lee untuak mameranan Yu Shu Lien dalam filem beladiri babahaso Mandarin partamonyo Crouching Tiger, Hidden Dragon (2000). Inyo indak pandai babahaso Mandarin inggo taun 2000-an, dek itu inyo haruih mampalajari barih-barih naskah Mandarin Crouching Tiger, Hidden Dragon dari bunyinyo.[35] Filem iko mancapai kasuksesan internasional, jo mambuek Yeoh mandapek nominasi BAFTA 2000 untuak Aktris Utamo Tabaiak.[36][37]

Naiak turun karier (2002-2016)

[suntiang | suntiang sumber]
Yeoh pado konferensi pers The Touch di Singapura, 2002

Pado taun 2002, Yeoh mamproduksi filem Inggrihnyo nan partamo, The Touch, malalui parusaoan produksinyo surang Mythical Films. Pado taun 2004, Yeoh batamu Jean Todt, saurang eksekutif balap motor perancih, di Shanghai salamo acaro publikasi untuak Ferrari. Kaduonyo kudian batunangan pado taun itu juo.[38]

Pado taun 2005, Yeoh baperan sabagai Mameha dalam adaptasi filem Memoirs of a Geisha, sarato malanjuikan jo filem babahaso Inggirih lai pado taun 2007 dalam Sunshine. Pado taun 2008, Yeoh mambintangi filem lago fantasi The Mummy: Tomb of the Dragon Emperor basamo Brendan Fraser jo Jet Li.[39] Pado taun 2011, inyo mamainan Aung San Suu Kyi dalam filem The Lady karyo Luc Besson.[40] Yeoh dimasuakan dalam daftar itam dek pamarentah Myanmar kamungkinan karano katalibatannyo dalam The Lady; inyo ditulak masuak ka Myanmar pado 22 Juni 2011 jo dideportasi pado ari nan samo.[41]

Pado bulan Oktober 2011, Yeoh ditunjuak dek Guerlain untuak manjadi duta produk parawatan kuliknyo.[42] Yeoh baperan untuak manguekan ubuangan parusaoan kosmetika perancih tu jo Asia.[43]

Yeoh indak bacabang ka televisi inggo taun 2015, yaitu lewaik peran partamonyo sabagai Mei Foster, istri Duta Besar Inggirih untuak Thailand, nan diam-diam marupoan mata-mata Korea Utara nan banamo Li-Na,[44] pado musim kalimo serial Cinemax/Sky Strike Back.[45]

Peran pandukuang (2017-2020)

[suntiang | suntiang sumber]

Pado taun 2016, Yeoh mandapek peran sabagai Kapten Starfleet Philippa Georgiou dari kapa lua angkasa USS Shenzhou dalam serial Star Trek: Discovery, sarato peran baulang sabagai doppelganger "alam samasta camin" Georgiou dalam serial tasabuik di wakatu nan labiah kudian.[46][47] Yeoh balanjuik mambaoan peran tasabuik salamo tigo musim, manuai pujian kritis jo manjadi kasukoan para panggamar. Manyusua kasuksesan Star Trek: Discovery, serial tapisah (spinoff) jo Yeoh sabagai pameran utamo muloi disiapan pado taun 2019.[48] Serial iko, nan ka bapusek pado karakter Yeoh, yaitu Emperor Georgiou nan batugeh sabagai anggota Seksi 31, sabuah organisasi mato-mato rahasio antar galaksi, masiah "dalam pangambangan" pado Januari 2023,[49] tapi pado April, Paramount+ maumuman alah manyuruah buek sabuah filem panjang Star Trek: Seksi 31 nan ka dibintangi Yeoh, bukan lai babantuak serial.[50]

Pado taun 2018, Yeoh baperan sabagai saurang bundo kapalo kaluargo Eleanor Young dalam filem Jon M. Chu Crazy Rich Asians, sabuah adaptasi dari buku Kevin Kwan nan banamo samo, basato lawan mainnyo Constance Wu jo Henry Golding.[51] Carlos Aguilar dari TheWrap manggambaan panampilan Yeoh sabagai "sabana mayakinan".[52] Pado taun 2019, inyo baperan sabagai pamiliak toko batema Natal "Santa" dalam filem Last Christmas, basamo jo Henry Golding jo Emilia Clarke. Filem iko diluncuaan pado 8 Nopember 2019, jo maraiah kasuksesan box office nam mangasilan labiah dari $121 juta di saluruah dunia.[53]

Yeoh manjadi Ying Nan dalam filem Marvel Studios Shang-Chi and the Legend of the Ten Rings, nan disutradarai dek Destin Daniel Cretton.[54] Filem ko diluncuaan di bioskop pado 3 September 2021. Diumuman pado The Game Awards 2020 baso Yeoh ka mambintangi Ark: The Animated Series, sabuah serial nan badasa dek gim video Ark: Survival Evolved kaluaran Studio Wildcard, di mano inyo ka mamainan peran sabagai Meiyin Li, saurang pamimpin pambarontak Cino abaik ke-3, nan disabuik juo The Beast Queen.[55]

Kasuksesan pangaragoan (2021–kini)

[suntiang | suntiang sumber]
Patuang lilin Michelle Yeoh di Madame Tussaud Hong Kong

Pado taun 2022, Yeoh mambintangi filem komedi sureal fiksi ilmiah Everything Everywhere All at Once dari duo sutradara Daniels, nan diluncuaan pado Maret 2022 nan mandapek pujian kritis sacaro laweh.[56][57][58] Dalam filem tasabuik, inyo baperan sabagai pamiliak usao masin cuci (laundromat) nan sadang bajuang. Evelyn Quan Wang, peran nan dipuji bana dek para kritikus, di antaronyo David Ehrlich dari IndieWire nan maanggap itu sabagai "panampilan paling hebaik nan panah ditunjuakan dek Michelle Yeoh".[59][60][21] Dek peran ikolah Yeoh mamparoleh kamanangan Golden Globe partamonyo (sabagai aktor Malaysia partamo nan mamanangan Panampilan Tabaiak dek Aktris dalam Filem Bagarak – Musikal atau Komidi di Golden Globes,[61][62][63] nominasi jo kamanangan partamonyo di Independent Spirit, nominasi jo kamanangan partamonyo di Oscar,[64][65] nominasi BAFTA kaduonyo, sarato nominasi Critics' Choice Awards partamonyo. Salain itu, inyo manjadi padusi Asia partamo nan manang dalam pamaran utamo individu dalam kategori filem apopun di Screen Actors Guild Awards, yaitu sabagai Screen Actors Guild Award untuak Panampilan Lua Biaso dek Aktor Padusi dalam Paran Utamo.[66][67][68] Inyo juo manjadi urang Malaysia partamo nan dinominasian jo mamanangan Academy Award,[64] sarato urang Asia[lower-alpha 1] partamo jo "padusi kulik bawarno" kaduo nan mamanangan Academy Award untuak Aktris Tabaiak.[69][70]

Yeoh muncua dalam serial Disney+ American Born Chinese, nan badasa buku bajudua samo karangan Gene Luen Yang.[71] Pado Juni 2022, diumuman baso inyo ka mambintangi serial drama lago/komidi dalapan bagian series The Brothers Sun untuak Netflix, nan diluncuaan pado 4 Januari 2024, nan umumnyo mandapek ulasan positif.[72] Inyo baperan sabagai saurang parantaro arwah basamo Kenneth Branagh dalam A Haunting in Venice, nan diluncuaan pado 15 September 2023. Di taun nan samo, Yeoh manjadi anggota Komite Olimpiade Internasional,[73] sarato mambaoan pidato pado ari kuliah di Sikola Hukum Harvard taun 2023.[74]

Inyo lah ditantuan untuak baperan sabagai Madame Morrible dalam adaptasi filem duo bagian dari drama musikal Wicked nan disutradarai dek Jon M. Chu, di mano Part One ka diluncuaan pado 22 November 2024, jo Part Two dirancanoan untuak diluncuaan pado 26 November 2025.[75][76][77] Pado Mai 2024, Yeoh dipiliah sabagai pameran utamo sabagai saurang replikan (manusia bio-rekayasa) basamo Hunter Schafer dalam serial televisi fiksi ilmiah Amazon Blade Runner 2099.[78] Inyo ka mambintangi juo sabagai ilimuwan manusia Dr. Karina Mogue dalam Avatar 4, nan dirancanoan ka diluncuaan pado 21 Desember 2029.[79]

Kaidupan paribadi

[suntiang | suntiang sumber]
Michelle Yeoh jo suaminyo Jean Todt pado Festival Automobile International 2016.

Yeoh manikah jo pangusao Hong Kong Dickson Poon, nan tanamo sabagai pamiliak usao-usao barang bamerek sarupo Harvey Nichols jo Charles Jourdan, antaro taun 1988 inggo 1992.[80] Antaro 1998 inggo 2000, Yeoh bapacaran sampai akianyo batunangan jo Alan Heldman, saurang dokter jantuang Amerika.[81]

Pado taun 2004, inyo muloi bapacaran jo Jean Todt,[82] maso tu manajer umum jo CEO Scuderia Ferrari jo kudian president FIA.[83] Pado 26 Juli 2004, kaduonyo batunangan.[84] Sajak 2019, inyo tingga di Jenewa, Swiss, basamo Todt.[85] Dalam postingan Instagram bakeh pambalap Scuderia Ferrari Felipe Massa disabuik baso Yeoh jo Todt alah manikah pado 27 Juli 2023 di Jenewa.[86][87]

Yeoh indak punyo anak,[88] jo alah manyabuik kaindakmampuannyo untuak punyo anak sabagai panyabab baakianyo panikahan partamonyo.[89]

Yeoh baagamo Buddha jo saurang aktivis.[90][91][92] Yeoh manyatoan dukuangannyo untuak pardano mantari Malaysia Najib Razak jo koalisi Barisan Nasional manjalang Pamiliahan umum Malaysia 2013.[93] Pado 2022, inyo mangatoan ka Vanity Fair baso Shakespeare jo Stephen King adolah para pangarang favoritnyo jo Tarzan adolah pahlawan fiksi favoritnyo.[18]

Pangaragoan

[suntiang | suntiang sumber]
Tapak tangan Michelle Yeoh di "Avenue of Stars" di Hong Kong

Pado taun 1999, inyo manjadi anggota juri pado Festival Filem Internasional Berlin ka-49.[94] Pado 19 April 2001, Yeoh mandapek anugrah Darjah Datuk Paduka Mahkota Perak (DPMP), nan mambueknyo mandapek gala Dato', dari Sultan Azlan Shah, yaitu sultan dari nagara bagian asa kalahiaran Yeoh, sabagai pangakuan ateh katenaran nan lah dibaonyo ka nagara bagian tasabuik.[95] Pado 25 Nopember 2002, Yeoh mandapek pangaragoan sabagai salah satu dari The Ten Outstanding Young People of the World (TOYP) (Pancapaian Budaya) dari JCI (Junior Chamber International).[96] Pado 23 April 2007, Presiden Parancih Jacques Chirac maagiah Yeoh gala Ksatria Legion of Honour (Parancih: Chevalier de la Légion d'honneur). Panganugrahan tu disarahan kapadonyo dalam sabuah upacarai di Kuala Lumpur pado 3 Oktober 2007.[97][98] Inyo dinaiakan galanyo sabagai Perwira dari ordo Parancih nan samo tu (Officier de la Légion d'honneur) dek Presiden Parancih Nicolas Sarkozy pado 14 Maret 2012 dalam sabuah parayoan di kadiaman presiden di Élysée Palace ari itu juo, [99][100] sarato dinaiakan lai ka tingkek Komandan (Commandeur), pangaragoan tatinggi nan mungkin untuak non warganagara Parancih, dek François Hollande di kadiaman rasmi duta besar Parancih di Kuala Lumpur pado taun 2017.[101]

Pado 22 Mai 2012, Yeoh dianugrahi Darjah Seri Paduka Mahkota Perak (SPMP) nan mambueknyo mandapek gala Dato' Seri pado upacara panganugrahan sakaliguih ulang taun Sultan Perak, Sultan Azlan Shah.[102] Yeoh received the Excellence in Asian Cinema award during the 7th Asian Film Awards in March 2013 in Hong Kong.[103] Pado 1 Juni 2013, Yeoh mandapek anugrah Panglima Setia Mahkota (PSM) nan mambueknyo mandapek gala Tan Sri nan diagiah dalam upacara panganugrahan sakaliguih ulang taun Yang di-Pertuan Agong Tuanku Abdul Halim Mu'adzam Shah.[104][105] Pado 30 Nopember 2013, Yeoh manjadi Tamu Utamo pado Festival Filem Internasional India.[106]

Gala kaoromatan Malaysia

[suntiang | suntiang sumber]

Gala kaoromatan asiang

[suntiang | suntiang sumber]

Rujuakan

[suntiang | suntiang sumber]
  1. ↑ a b NBR Gala 2023 — NBR Best Actress Winner Michelle Yeoh (plus Awkwafina introduction) Archived 22-01-2023 di Wayback Machine. Klip NBR Gala di YouTube pado 8 Januari 2023, minik ka 4:00
  2. ↑ Encyclopædia Britannica Almanac 2010, hlm. 75 Archived 11-01-2023 di Wayback Machine.
  3. ↑ Sun, Rebecca (2023-03-08). "What Michelle Yeoh Taught Me About Motherhood". The Hollywood Reporter (dalam bahasa Inggris). Diarsipkan dari versi asli tanggal 19 March 2023. Diakses tanggal 2023-03-19. 
  4. ↑ Sun, Rebecca (12 March 2023). "Michelle Yeoh Is Oscars' First Asian Best Actress Winner: 'This is a Beacon of Hope and Possibilities'". The Hollywood Reporter. Diarsipkan dari versi asli tanggal 20 August 2023. Diakses tanggal 30 July 2023. 
  5. ↑ Sun, Rebecca (24 January 2023). "Oscars: Michelle Yeoh Makes History as First Asian Best Actress Nominee". The Hollywood Reporter. Diarsipkan dari versi asli tanggal 22 March 2023. Diakses tanggal 30 July 2023. 
  6. ↑ "Total Recall: The 25 Best Action Heroines of All Time". Rotten Tomatoes. Diarsipkan dari versi asli tanggal 29 April 2014. Diakses tanggal 13 November 2011. 
  7. ↑ People. 
    "British Airways 'Shoes' How To Kick Start Flights To Kuala Lumpur". British Airways. May 28, 2015. Diarsipkan dari versi asli tanggal October 29, 2023. Diakses tanggal October 29, 2023. 
  8. ↑ "35 All-Time Screen Beauties". People. 28 September 2009. Diarsipkan dari versi asli tanggal 30 January 2021. Diakses tanggal 25 January 2021. 
  9. ↑ "The 100 Most Influential People of 2022". Time. Diarsipkan dari versi asli tanggal 29 May 2022. Diakses tanggal 17 December 2022. 
  10. ↑ "Time names Michelle Yeoh its 2022 Icon of the Year. She's ready for Oscars love too". Los Angeles Times. 6 December 2022. Diarsipkan dari versi asli tanggal 17 December 2022. Diakses tanggal 17 December 2022. 
  11. ↑ Lhooq, Michelle (17 August 2018). "Michelle Yeoh Has Kicked Ass for Three Decades". GQ. Diarsipkan dari versi asli tanggal 2 August 2022. Diakses tanggal 2 August 2020. 
  12. ↑ a b c Chan-Koppen, SeeFoon (July 1–15, 2010). "Dato' Yeoh Kian Teik – Legal Stalwart and Transport Mogul" (PDF). Ipoh Echo. hlm. 5. Diarsipkan dari versi asli (PDF) tanggal 18 April 2023. Diakses tanggal 18 April 2023. 
  13. ↑ "Dewan Negara (Senate) Official Report" (PDF). Dewan Negara. 1959-10-11. Diarsipkan dari versi asli (PDF) tanggal 6 May 2023. Diakses tanggal 18 April 2023. 
  14. ↑ "Dewan Negara (Senate) Pen vata Rasmi" (PDF). Dewan Negara. 1968-10-22. Diarsipkan dari versi asli (PDF) tanggal 6 May 2023. Diakses tanggal 18 April 2023. 
  15. ↑ "Michelle Yeoh was with her father in final hours before he died at home in Ipoh". The Straits Times. 2014-11-06. Diarsipkan dari versi asli tanggal 10 April 2023. Diakses tanggal 10 April 2023. 
  16. ↑ "The Greatest Show on Earth". Chinatown Community Development Center. Diarsipkan dari versi asli tanggal 8 November 2022. Diakses tanggal 24 May 2022. 
  17. ↑ "Michelle Yeoh: 'Finally we are being seen'". Financial Times. 2023-03-03. Diarsipkan dari versi asli tanggal 6 April 2023. Diakses tanggal 6 April 2023. 
  18. ↑ a b Vanity Fair: 128. Diarsipan dari nan asli pada 21 Juli 2022. https://web.archive.org/web/20220721121021/https://www.vanityfair.com/hollywood/2022/07/michelle-yeoh-answers-the-proust-questionnaire. 
  19. ↑ "'I know all about the crazy rich lifestyle' Michelle Yeoh on why she had to break out of her own super-wealthy bubble". You Magazine. 9 September 2018. Diarsipkan dari versi asli tanggal 16 December 2022. Diakses tanggal 16 December 2022. 
  20. ↑ Kleeman, Alexandra (15 March 2022). "Michelle Yeoh's Quantum Leaps". The New York Times Magazine. Diarsipkan dari versi asli tanggal 16 December 2022. Diakses tanggal 16 December 2022. 
  21. ↑ a b c Rose, Steve (13 May 2022). "'I told Jackie Chan, your loss, my bro!': how Everything Everywhere gave Michelle Yeoh the role of a lifetime". The Guardian. Diarsipkan dari versi asli tanggal 13 May 2022. Diakses tanggal 13 May 2022. 
  22. ↑ "Oscar winner Michelle Yeoh's time at Cheshire college recalled by friend". 26 March 2023. Diarsipkan dari versi asli tanggal 27 March 2023. Diakses tanggal 29 November 2023. 
  23. ↑ a b c Kee Hua Chee (19 January 2004). "Her own person". The Star. Malaysia. Diarsipkan dari versi asli tanggal 30 October 2012. Diakses tanggal 13 November 2011.  Interview.
  24. ↑ Quinn, Karl (March 14, 2023). "Everything, Everywhere ... even Moomba: Oscar winner Michelle Yeoh's Aussie connection". The Sydney Morning Herald. Diarsipkan dari versi asli tanggal November 1, 2023. Diakses tanggal November 1, 2023. 
    SCMP’s Asia desk (March 14, 2023). "From beauty queen to Oscar winner: how Michelle Yeoh was cajoled by mum to join 1983 London beauty pageant". South China Morning Post. Diarsipkan dari versi asli tanggal November 1, 2023. Diakses tanggal November 1, 2023. 
  25. ↑ a b Touma, Rafqa (2023-03-14). "Michelle Yeoh: rare footage of Oscar-winner at 1984 Australian beauty pageant unearthed". The Guardian (dalam bahasa Inggris). ISSN 0261-3077. Diarsipkan dari versi asli tanggal 14 March 2023. Diakses tanggal 2023-03-14. 
    Kamal, Zai (March 15, 2023). "Michelle Yeoh: Rare photos, videos of Oscar winner from beauty pageants shared online". The Star. Diarsipkan dari versi asli tanggal November 1, 2023. Diakses tanggal November 1, 2023. 
  26. ↑ Templat:Cite episode Also appear as Templat:Cite episode
  27. ↑ Sun, Rebecca (15 March 2022). "Michelle Yeoh Finally Loses Her Cool: "What Have I Got to Lose?"". The Hollywood Reporter. Diarsipkan dari versi asli tanggal 3 November 2022. Diakses tanggal 16 December 2022. 
  28. ↑ Coiler, Emma (12 November 2019). "Interview: Michelle Yeoh on doing her own stunts and change in Hollywood". SilverKris.com. Diarsipkan dari versi asli tanggal 22 July 2020. Diakses tanggal 22 July 2020. 
  29. ↑ Sasaguay, Chris (March 11, 2023). "Michelle Yeoh's First Starring Role Was an Absolute Knock Out". Collider. Diarsipkan dari versi asli tanggal November 9, 2023. Diakses tanggal November 9, 2023. 
  30. ↑ "What we know about Michelle Yeoh's marriage to Hong Kong magnate Dickson Poon". South China Morning Post (dalam bahasa Inggris). 2024-02-13. Diakses tanggal 2024-10-16. 
  31. ↑ Sharf, Zack (2023-03-03). "Michelle Yeoh Says Hollywood Questioned 'If I Even Spoke English' After 1997 Bond Film: 'I Didn't Work for Two Years' Due to Stereotype Offers". Variety (dalam bahasa Inggris). Diakses tanggal 2024-05-20. 
  32. ↑ Cohen, David (11 February 1997). "Bond girl Yeoh gets licence to thrill 007". South China Morning Post. 
  33. ↑ "Bond Leading Lady Won't Do Stunts". Associated Press. 21 May 1997. 
  34. ↑ Chung, Winnie (30 May 1997). "Much More Than Just A Bond Girl". South China Morning Post. 
  35. ↑ Bergeson, Samantha (16 March 2022). "Ang Lee on 'Tough' 'Crouching Tiger' Shoot After Michelle Yeoh Injury: 'That Was Supposed to Be Her Strength'". IndieWire. Diarsipkan dari versi asli tanggal 5 March 2023. Diakses tanggal 5 March 2023. 
  36. ↑ (dalam bahaso en)TIME. https://time.com/6256655/michelle-yeoh-crouching-tiger-hidden-dragon-appreciation/. 
  37. ↑ "Tiger fights Gladiator in Bafta race" (dalam bahasa Inggris). 2001-01-31. Diakses tanggal 2024-05-20. 
  38. ↑ "Michelle Yeoh and Jean Todt Welcome Their First Grandchild". 2 January 2024. Diarsipkan dari versi asli tanggal 14 February 2024. Diakses tanggal 29 November 2023. 
  39. ↑ Chung, Philip W. (1 August 2008). "Jet Li and Michelle Yeoh: From 'Tai Chi Master' to 'The Mummy'". AsianWeek. Diarsipkan dari versi asli tanggal 17 September 2008. Diakses tanggal 4 August 2008. 
  40. ↑ Petty, Martin (29 March 2012). "Myanmar's Suu Kyi: from prisoner to would-be lawmaker". Reuters. Diarsipkan dari versi asli tanggal 10 March 2016. Diakses tanggal 23 April 2012. 
  41. ↑ "Myanmar Deports Michelle Yeoh Over Suu Kyi Movie". Yahoo! News. Associated Press. 27 June 2011. Diarsipkan dari versi asli tanggal 5 March 2016. Diakses tanggal 13 November 2011. 
  42. ↑ "Michelle Yeoh, The New Face of Guerlain". Butterboom. 24 October 2011. Diarsipkan dari versi asli tanggal 22 July 2013. Diakses tanggal 13 November 2011. 
  43. ↑ "Michelle Yeoh Named as Guerlain's New Celebrity Ambassador". Asia Pacific Arts. 13 October 2011. Diarsipkan dari versi asli tanggal 18 May 2015. Diakses tanggal 13 November 2011. 
  44. ↑ Ellwood, Greg (17 June 2015). "Strike Back: Legacy episode 4 preview". Entertainment Focus. Diarsipkan dari versi asli tanggal 5 July 2015. Diakses tanggal 4 July 2015. 
  45. ↑ Frater, Patrick (23 September 2014). "Michelle Yeoh and Will Yun Lee Join Final Season of 'Strike Back'". Variety. Diarsipkan dari versi asli tanggal 5 July 2015. Diakses tanggal 4 July 2015. 
  46. ↑ Hibbred, J (23 November 2016).'Star Trek Discovery: Michelle Yeoh In Captain Role', Deadline. Retrieved from http://deadline.com/2016/11/star-trek-discovery-michelle-yeoh-cast-captain-1201859554/ Archived 24 November 2016 di Wayback Machine., retrieved on 23 November 2016.
  47. ↑ Holloway, Daniel. Variety. https://variety.com/2016/tv/news/star-trek-discovery-doug-jones-anthony-rapp-join-michelle-yeoh-1201928889/. 
  48. ↑ Otterson, Joe (14 January 2019). "Michelle Yeoh Standalone 'Star Trek' Series in Development at CBS All Access". Variety (dalam bahasa Inggris). Diarsipkan dari versi asli tanggal 15 January 2019. Diakses tanggal 6 February 2023. 
  49. ↑ Mitovich, Matt Webb (10 January 2023). "Star Trek: Discovery Spinoff About Section 31, Starring Michelle Yeoh, Is Still in Development at Paramount+". TVLine (dalam bahasa Inggris). Diarsipkan dari versi asli tanggal 30 January 2023. Diakses tanggal 6 February 2023. 
  50. ↑ Hibberd, James (2023-04-18). "'Star Trek: Section 31' Starring Michelle Yeoh Gets Movie Order From Paramount+". The Hollywood Reporter (dalam bahasa Inggris). Diarsipkan dari versi asli tanggal 18 April 2023. Diakses tanggal 2023-04-18. 
  51. ↑ "'Crazy Rich Asians' Adds Michelle Yeoh (Exclusive)". The Hollywood Reporter. Diarsipkan dari versi asli tanggal 8 May 2017. Diakses tanggal 7 March 2017. 
  52. ↑ Aguilar, Carlos (14 August 2018). "'Crazy Rich Asians' Film Review: Constance Wu Stands Out in Culturally Rich Rom-Com". TheWrap. Diarsipkan dari versi asliAkses gratis dibatasi (uji coba), biasanya perlu berlangganan tanggal 17 May 2021. Diakses tanggal 24 May 2022. 
  53. ↑ "Last Christmas (2019) – Financial Information". The Numbers. Diarsipkan dari versi asli tanggal 17 December 2019. Diakses tanggal 17 May 2020. 
  54. ↑ "Is This Our First Look At Tony Leung's Mandarin In 'Shang-Chi'?". 2 April 2021. Diarsipkan dari versi asli tanggal 11 April 2021. Diakses tanggal 11 April 2021.  Heroic Hollywood. 2 April 2021
  55. ↑ ARK: The Animated Series Season 1 Trailer (dalam bahasa Inggris), 23 December 2022, diarsipkan dari versi asli tanggal 14 March 2023, diakses tanggal 2023-03-16 
  56. ↑ Everything Everywhere All at Once, diarsipkan dari versi asli tanggal 22 May 2022, diakses tanggal 9 April 2022 
  57. ↑ "Everything Everywhere All at Once Reviews". Metacritic. Red Ventures. Diarsipkan dari versi asli tanggal April 21, 2022. Diakses tanggal June 3, 2022. 
  58. ↑ Wong, Henry (18 January 2023). "How 'Everything Everywhere All At Once' Became So Polarising". Esquire. Diarsipkan dari versi asli tanggal 14 March 2023. Diakses tanggal 13 March 2023. 
  59. ↑ Ehrlich, David (12 March 2022). "'Everything Everywhere All at Once' Review: 'The Matrix' Meets the Multiverse in Daniels' Instant Classic". IndieWire. Diarsipkan dari versi asli tanggal 13 March 2022. Diakses tanggal 9 April 2022. 
  60. ↑ Sun, Rebecca (15 March 2022). "Michelle Yeoh Finally Loses Her Cool: 'What Have I Got to Lose?'". The Hollywood Reporter. Diarsipkan dari versi asli tanggal 3 November 2022. Diakses tanggal 15 March 2022. 
  61. ↑ Daly, Rhian (11 January 2023). "Michelle Yeoh reflects on Hollywood career at Golden Globes: "It was a dream come true until I got here"". NME. Diarsipkan dari versi asli tanggal 1 March 2023. Diakses tanggal 1 March 2023. 
  62. ↑ Ng, Kelly (11 January 2023). "Michelle Yeoh wins Golden Globe for Everything Everywhere. Could an Oscar be next?". BBC News. Diarsipkan dari versi asli tanggal 11 January 2023. Diakses tanggal 11 January 2023. 
  63. ↑ Coyle, Jake (10 January 2023). "At rehabbed Golden Globes, Yeoh, Spielberg and 'White Lotus' win". CTV News. Associated Press. Diarsipkan dari versi asli tanggal 11 January 2023. Diakses tanggal 11 January 2023. 
  64. ↑ a b Kho, Gordon (25 January 2023). "Michelle Yeoh 'overjoyed' with first Oscar nomination: 'I will forever cherish this moment'". The Star. Diarsipkan dari versi asli tanggal 25 January 2023. Diakses tanggal 25 January 2023. 
  65. ↑ Brookins, Laurie (2023-03-13). "The Best Dressed Stars at the Oscars: Michelle Yeoh, Rihanna, Halle Bailey and More". The Hollywood Reporter (dalam bahasa Inggris). Diarsipkan dari versi asli tanggal 19 March 2023. Diakses tanggal 2023-03-19. 
  66. ↑ Dresden, Hilton (February 26, 2023). ""Look At Us Now": 'Everything Everywhere All at Once' Cast Celebrates Asian Talent with SAG Awards win". The Hollywood Reporter. Diarsipkan dari versi asli tanggal February 27, 2023. Diakses tanggal February 27, 2023. 
  67. ↑ Thomas, Carly (February 26, 2023). "Michelle Yeoh Makes History with SAG Awards win: "This is for Every Single Girl That Looks Like Me"". The Hollywood Reporter. Diarsipkan dari versi asli tanggal February 27, 2023. Diakses tanggal February 27, 2023. 
  68. ↑ Dresden, Hilton (February 26, 2023). "Ke Huy Quan Makes History with SAG Award win: "This Moment Belongs to Everyone Who Has Asked for Change"". The Hollywood Reporter. Diarsipkan dari versi asli tanggal February 27, 2023. Diakses tanggal February 27, 2023. 
  69. ↑ Weldon, Glen (March 13, 2023). "Michelle Yeoh is the first Asian woman to win best actress Oscar". npr.org. Diarsipkan dari versi asli tanggal 16 March 2023. Diakses tanggal March 16, 2023. 
  70. ↑ Thomas, Carly (2023-04-13). "Michelle Yeoh Brings Oscar Home to Mother: Without My Parents, "I Wouldn't Be Here"". The Hollywood Reporter (dalam bahasa Inggris). Diarsipkan dari versi asli tanggal 19 April 2023. Diakses tanggal 2023-04-19. 
  71. ↑ Fleming, Mike Jr. (7 February 2022). "'Shang-Chi's Michelle Yeoh & Destin Daniel Cretton Reunite For Disney+ Series 'American Born Chinese'; Chin Han, Yeo Yann Yann & Daniel Wu Also Star". Deadline Hollywood. Diarsipkan dari versi asli tanggal 12 December 2022. Diakses tanggal 18 May 2022. 
  72. ↑ White, Peter (13 June 2022). "Michelle Yeoh To Star In Netflix Series 'The Brothers Sun' With Justin Chien". Deadline Hollywood. Diarsipkan dari versi asli tanggal 12 July 2022. Diakses tanggal 13 June 2022. 
  73. ↑ "IOC Executive Board proposes eight new IOC Members for election to the Session in Mumbai". Diarsipkan dari versi asli tanggal 12 September 2023. Diakses tanggal 8 September 2023. 
  74. ↑ Newburger, Emily (May 24, 2023). "'Stay loose, be smart, and go with love... and then leap. And then leap again. And then leap again'". Harvard Law School. Diarsipkan dari versi asli tanggal November 4, 2023. Diakses tanggal November 4, 2023. 
  75. ↑ Huston, Caitlin (8 December 2022). "Michelle Yeoh Joins 'Wicked' Film as Madame Morrible". The Hollywood Reporter. Diarsipkan dari versi asli tanggal 8 December 2022. Diakses tanggal 8 December 2022. 
  76. ↑ Major, Michael. "Michelle Yeoh to Play Madame Morrible In WICKED Movie; Jeff Goldblum Confirmed as The Wizard". Broadway World. Diarsipkan dari versi asli tanggal 8 December 2022. Diakses tanggal 8 December 2022. 
  77. ↑ "Kenneth Branagh's Third Hercule Poirot Film 'A Haunting in Venice' Casts Tina Fey, Jamie Dornan, Michelle Yeoh and More". Variety. 10 October 2022. 
  78. ↑ White, James (May 8, 2024). "Michelle Yeoh To Star In Blade Runner 2099". Empire. Diakses tanggal June 13, 2024. 
  79. ↑ "Michelle Yeoh won't appear until 'Avatar 4,' James Cameron confirms (exclusive)". EW.com (dalam bahasa Inggris). Diakses tanggal 2024-08-13. 
  80. ↑ Swain, Jon (25 March 2007). "No business like Yeoh business". The Times. London. Diarsipkan dari versi asliPerlu langganan berbayar tanggal 29 August 2018. Diakses tanggal 24 May 2022. 
  81. ↑ "A night on the tiles in the capital of chic". South China Morning Post. 12 January 2019. Diarsipkan dari versi asli tanggal 15 October 2022. Diakses tanggal 17 January 2019. 
  82. ↑ The New Paper (21 April 2013). "'Don't be a traitor, Michelle Yeoh'". www.asiaone.com. Diarsipkan dari versi asli tanggal 28 October 2017. Diakses tanggal 7 September 2020. 
  83. ↑ Kuper, Simon (3 May 2019). "Take a look inside Michelle Yeoh and Jean Todt's Geneva mansion". Financial Times. Diarsipkan dari versi asliPerlu langganan berbayar tanggal 10 December 2022. 
  84. ↑ Haward, Jenny (July 28, 2023). "Michelle Yeoh Marries Longtime Fiancé Jean Todt After 6992-Day Engagement!". Peoplemag (dalam bahasa Inggris). Diarsipkan dari versi asli tanggal 29 July 2023. Diakses tanggal 2023-07-28. 
  85. ↑ Kuper, Simon (3 May 2019). "Take a look inside Michelle Yeoh and Jean Todt's Geneva mansion". Financial Times. Diarsipkan dari versi asli tanggal 10 December 2022. Diakses tanggal 22 December 2021. 
  86. ↑ Soh, Joanne (2023-07-28). "Actress Michelle Yeoh and fiance Jean Todt finally wed after 19 years | The Straits Times". The Straits Times. Diarsipkan dari versi asli tanggal 2023-07-28. Diakses tanggal 2023-07-28. 
  87. ↑ Piña, Christy (2023-07-28). "Michelle Yeoh and Jean Todt Marry 19 Years After Engagement". The Hollywood Reporter (dalam bahasa Inggris). Diarsipkan dari versi asli tanggal 1 August 2023. Diakses tanggal 2023-09-10. 
  88. ↑ "At 28, Michelle Yeoh Left Acting To Become A Mom. Thank God She Came Back". Bustle. 31 March 2022. Diarsipkan dari versi asli tanggal 21 February 2023. Diakses tanggal 21 February 2023. 
  89. ↑ "Michelle Yeoh on "Everything Everywhere All at Once"". YouTube. 8 January 2023. Diarsipkan dari versi asli tanggal 22 March 2023. Diakses tanggal 23 March 2023. 
  90. ↑ Littlefair, Sam (13 August 2015). "Actor Michelle Yeoh blends Buddhism & activism – Lions Roar" (dalam bahasa Inggris). Diarsipkan dari versi asli tanggal 18 January 2021. Diakses tanggal 2023-02-19. 
  91. ↑ "What was Michelle Yeoh doing in Ladakh?". Conde Nast Traveler. 2015-08-04. Diarsipkan dari versi asli tanggal 19 February 2023. Diakses tanggal 19 February 2023. 
  92. ↑ "The Lady – Interview with Michelle Yeoh". AVIVA-Berlin. Diarsipkan dari versi asli tanggal 6 March 2018. Diakses tanggal 22 June 2012. 
  93. ↑ Tsui, Clarence (2013-04-30). "Michelle Yeoh Criticized Over Her Political Views in Malaysia". The Hollywood Reporter (dalam bahasa Inggris). Diarsipkan dari versi asli tanggal 21 March 2023. Diakses tanggal 2023-03-21. 
  94. ↑ "Berlinale: 1999 Juries". berlinale.de. Diarsipkan dari versi asli tanggal 23 October 2013. Diakses tanggal 28 January 2012. 
  95. ↑ "Just Call Me Datuk". Asiaweek. 27 (17). 4 May 2001. ISSN 1012-6244. Diarsipkan dari versi asli tanggal 9 May 2001. Diakses tanggal 13 November 2011. 
  96. ↑ "Awards & Recognitions / Achievements". jciklm.org. Diarsipkan dari versi asli tanggal 6 December 2011. Diakses tanggal 25 May 2013. 
  97. ↑ "Yeoh receives France's top honour". BBC News Online. 4 October 2007. Diarsipkan dari versi asli tanggal 15 April 2012. Diakses tanggal 13 November 2011. 
  98. ↑ a b "Actress Michelle Yeoh gets top French award". Reuters. 3 October 2007. Diarsipkan dari versi asli tanggal 5 September 2018. Diakses tanggal 5 September 2018. 
  99. ↑ "Michelle Yeoh receives Legion of Honour from France". Bernama via mysinchew.com. 16 March 2012. Diarsipkan dari versi asli tanggal 17 March 2012. Diakses tanggal 16 March 2012. 
  100. ↑ a b "Michelle Yeoh Receives Legion of Honour from France". Bernama. Malaysian Digest. 16 March 2012. Diarsipkan dari versi asli tanggal 5 September 2018. Diakses tanggal 5 September 2018. 
  101. ↑ a b "Michelle Yeoh now a Commander of the Legion of Honour". The Star. 28 March 2017. Diarsipkan dari versi asli tanggal 13 December 2018. Diakses tanggal 5 September 2018. 
  102. ↑ "Datuk Michelle Yeoh now 'Datuk Seri'". Yahoo! News. Diarsipkan dari versi asli tanggal 25 October 2012. Diakses tanggal 3 June 2012. 
  103. ↑ Andrew Chan (25 March 2013). "7th Asian Film Awards 2013 – Media Coverage and Winners List". HK Neo Reviews. Diarsipkan dari versi asli tanggal 15 September 2020. Diakses tanggal 2 August 2020. 
  104. ↑ "She's Tan Sri Michelle Yeoh now". Yahoo News. Diarsipkan dari versi asli tanggal 30 June 2013. Diakses tanggal 1 June 2013. 
  105. ↑ "Semakan Penerima Darjah Kebesaran, Bintang dan Pingat". Diarsipkan dari versi asli tanggal 19 July 2019. Diakses tanggal 24 August 2018. 
  106. ↑ "Actress Michelle Yeoh to be Chief Guest at IFFI Closing Ceremony". Biharprabha News. Diarsipkan dari versi asli tanggal 4 November 2016. Diakses tanggal 1 December 2013. 
  107. ↑ a b c "Semakan Penerima Darjah Kebesaran, Bintang Dan Pingat". Jabatan Perdana Menteri Malaysia. Diarsipkan dari versi asli tanggal 19 Julai 2019. Diakses tanggal 25 Oktober 2018. 
  108. ↑ "Michelle Yeoh set to receive honour". Desmond Yap. Yahoo! Newsroom. 30 Mei 2013. Diarsipkan dari versi asli tanggal 5 September 2018. Diakses tanggal 5 September 2018. 
  109. ↑ "She's Tan Sri Michelle Yeoh now". Joseph Sipalan and Lee Yen Mun. The Star. 1 Jun 2013. Diarsipkan dari versi asli tanggal 5 September 2018. Diakses tanggal 5 September 2018. 
  110. ↑ Kutipan rusak: Tag <ref> indak sah; indak ado teks untuak ref banamo Officier Arts et Lettres
  111. ↑ "President Biden Announces Recipients of the Presidential Medal of Freedom". The White House. 2024-05-03. Diakses tanggal 2024-05-03. 

Katarangan

[suntiang | suntiang sumber]
  1. ↑ a b Terminologi "Asian" digunoan manuruik pamakaian kontemporer Amerika nan sasuai di Amerika Sarikat marujuak ka ras tatantu. Salanjuiknyo, terminologi "Asian" di Amerika acok sinonim jo urang-urang katurunan Asia Timur.[4][5] Aktris-aktris nan baasa dari atau katurunan wilayah-wilayah Banua Asia lainnyo alah mamanangan pangharagoan itu tapi indak disabuik "Asian" dek panggunoannyo di Amerika.
Diambiak dari "https://min.wikipedia.org/w/index.php?title=Michelle_Yeoh&oldid=3156910"