Карлична коска

Карлична коска
	Позиција на карличната коска (црвен дел)
	Машка карлица pelvis, формирана лево и десно од карличните коски sacrum, и coccyx
Податоци
Назнаки
Латински	Os coxae, os innominatum
TA	A02.5.01.001
FMA	FMA:16585
	[уреди на Википодатоците]

Карличната коска (OS COXAE) е парна, голема и плочеста коска составена од три меѓусебно сраснати коски: бедрена коска (os ilum), седална коска (os ischii) и срамна коска (os pubis) . Тие коски се одделени до шеснаесеттата година со помош на една ’рскавица , а потоа сраснуваат во единствена карлична коска. ’Рскавицата се наоѓа во зглобната чашка на коската (acetabulum).

Бедрена коска

Бедрената коска (os ilium) се состои од долен масивен дел или тело (corpus ossis ilii) што го гради покривот од ацетабулумот и горен плочест дел наречен крило на бедрената коска (ala ossis ilii). На внатрешната страна од крилото се наоѓа илијачна јама (fossa iliaca) за поврзување на истоимениот мускул, а зад неа на зглобна површина налик на уво (facies auricularis) за зглобување со сакрумот. Крилото горе завршува со гребен (grista iliaca). На неговиот преден крај се наоѓа горен преден шилец (spina iliaca anterior supperior), а на задниот крај се наоѓа горен заден шилец (spina iliaca posterior superior). На надворешната седална страна (facies glutea) од крилото се гледаат три полукружни седални линии за поврзување на трите седални мускули.

Седална коска

Седалната коска (os ischii) е составена од тело (corpus ossis ischii), кое го гради задниот дел од ацетабулумот и гранка (ramus ossis ischii), која учествува во ограничувањето на запречниот отвор (foramen obturatum). На темето од гранката се наоѓа рапава седална џумка (tuber ischiadicum) за поврзување на задните бутни мускули. Од задниот раб на телото косо наназад се протега седален шилец (spina ischiadica), кој одделува два засека, горен седален засек (incisura ischiadica major) и долен мал седален засек (incisura ischiadica minor). Коскените засеци со помош на две врски се преобразени во коскено-фиброзни отвори за премин на крвни садови и нерви.

Срамна коска

Срамната коска (os pubis) се состои од тело (corpus ossis pubis) и две гранки, горна и долна. На спојот меѓу двете гранки се наоѓа валчеста зглобна површина (facies symphysis pubica). Двете гранки учествуваат однапред во ограничувањето на запречниот отвор, а телото го гради предниот дел од ацетабулумот. Ацетабулумот претставува зглобна чашка изградена од телата на сите три коски. Тој е насочен надолу, а во неговото дно се наоѓа јама обрабена со полумесечеста зглобна површина за зглобување со бутната коска (femur).

Надворешни врски

Оваа статија од областа на анатомијата е никулец. Можете да помогнете со тоа што ќе ја проширите.

п р у Список на коските на скелетот кај човекот
Череп (neurocranium)	челна коска • темена коска • слепоочна коска • тилна коска • клинеста коска • ситеста коска
Череп (viscerocranium)	горновилична коска • долновилична коска • носна коска • јаболчна коска • солзна коска • непчена коска • долна носна школка • рало Грло: подјазична коска (јазична коска)
Средно уво	Чеканче • стремен • наковална
‘Рбетен столб	вратни прешлени • градни прешлени • слабински прешлени • крсна коска • седална коска
Градна празнина	градна коска • ребра
Горни екстремитети	Раменски појас: клучна коска • плешка Рака: надлактица • лакотна коска • палечна коска Дланка: Корен на дланка (чунеста коска • полумесечеста коска • триаглеста коска • грашковидна коска • трапезна коска • трапезоидна коска • главичеста коска • кукаста коска) • Коски на прстите • Делови на прстите (проксимален • среден • дистален)
Долни екстремитети	Карлица: карлична коска (странична коска • седална коска • препонска коска) Нога: бедрена коска • ивер • голема писка • мала писка Стапало: Коски на нозете: (петна коска • глуждова коска • чунеста коска • Клинести коски (медијална клинеста коска • средна клинеста коска • странична клинеста коска) • коцкаста коска) • Корен на стапалото • Делови на прстите (проксимален • среден • дистален)