Црква „Воскресение Христово“ - Бер
| Воскресение Христово | |
|---|---|
| Ανάστασης του Σωτήρος Χριστού | |
 Поглед на црквата | |
 | |
| 40°31′22.79″N 22°12′18.69″E / 40.5229972° СГШ; 22.2051917° ИГД | |
| Место | Бер |
| Земја | Егејска Македонија, Грција |
| Вероисповед | Цариградска патријаршија |
| Архитектура | |
| Културнонаследна категорија | споменик на културата |
| Завршена | 1314 |
| Управа | |
| Архијерејско намесништво | Бер |
| Епархија | Берско-негушко-камбаниска |
Воскресение Хрисово или Христос Спасител (грчки: Ανάστασης του Σωτήρος Χριστού του Καλοθέτου) — средновековна црква во градот Бер, Егејска Македонија. Влегува во состав на Берско-негушко-камбаниската епархија на Цариградската патријаршија.[1][2][3] Храмот е дел од парохијата на „Св. Јован Милостив“.[4]
Првичниот храм бил еднокорабна црква со дрвен покрив и шешстаголна апсида. Во XVIII век од север, запад и југ е изграден затворен трем, урнат во XX век.[1][3]
Според ктиторскиот натпис, храмот почнал да го гради Ксенос Псалидас на крајот од ΧΙΙΙ век, и по неговата смрт е довршен од сопругата Ефросина на почетокот на XIV век.[1][3] Во 1314 г. сопственоста на манастирот „Христос Спасител“ од монахаот Игнатиј Калотет е потврдено со хрисовул од царот Андроник II Палеолог.[1] Во 1315 г. храмот е осветен од епископот Нифонт Берски.[3]
Црквата е зографисана во 1314/5 г. од Георгиос Калиергис. Внатрешноста е поделена на три подрачја. Во најниското се светци во полн раст, во средното и потесно подрачје има бисти на евангелистите, пророци и светци, додека пак во најгорното подрачје има сцени од Дванаесетте празници. Посебно место во иконографијата на храмот зазема претставата на Распетието и Воскресението на Христос, претставено на два лака, обликувани во северниот и јужниот ѕид. Интересна е и фреската на која е претставен монахот Игнатиј Калотетос.[1]
Храмот има фрески и од 1326 и 1355 г. со претстави на месни првенци како Марија Синадини на западната фасада, како и од 1727 г. над надворешната површина на северниот ѕид од првичната црква. На натписите врз тие фрески спомнуваат имиња на жители на градот.[1]
Во 1924 г. црквата е прогласена за споменик на културата.[5]
-
Фрески во апсидата, 1315 г. -
Распетие, 1315 г. -
Успение Богородично, 1315 г. -
Воскресение Христово, 1315 г.
Поврзано
[уреди | уреди извор]Наводи
[уреди | уреди извор]- ↑ 1,0 1,1 1,2 1,3 1,4 1,5 Πέτκος, Αντώνης. „Ναός Ανάστασης του Σωτήρος Χριστού Βέροιας“. Υπουργείο Πολιτισμού και Αθλητισμού. Архивирано од изворникот на 2022-07-02. Посетено на 18 мај 2014.
- ↑ „Ναός Ανάστασης του Σωτήρος Χριστού“. Υπουργείο Πολιτισμού και Αθλητισμού. Архивирано од изворникот на 2022-07-07. Посетено на 20 мај 2014.
- ↑ 3,0 3,1 3,2 3,3 „Χριστός – Μονή του Σωτήρος Χριστού του Καλοθέτου“. Discover Veria. Посетено на 31 јули 2016.
- ↑ „Ενορίες“. Ιερά Μητρόπολη Βεροίας, Ναούσης και Καμπανίας. Посетено на 2016-07-31.
- ↑ „ΠΔ 3-11-1924 - ΦΕΚ 279/Α/6-11-1924“. Διαρκής κατάλογος κηρυγμένων αρχαιολογικών τόπων και μνημείων. Посетено на 9 јули 2018.[мртва врска]
Надворешни врски
[уреди | уреди извор]
Црква „Воскресение Христово“ - Бер на Ризницата ?
