ബ്രൊമെല്യേസി

ബ്രൊമെല്യേസി
	കൈതച്ചക്ക
ശാസ്ത്രീയ വർഗ്ഗീകരണം
കിങ്ഡം:	Plantae
(unranked):	Angiosperms
(unranked):	Monocots
(unranked):	Commelinids
Order:	Poales
Family:	Bromeliaceae; Juss.
Subfamiles
	Bromelioideae; Pitcairnioideae; Tillandsioideae;

ഇംഗ്ലീഷ് വിലാസം

https://ml.wikipedia.org/wiki/Bromeliaceae

ഏകദേശം 3170 സ്പീഷിസുകളുള്ള ഒരു വലിയ സസ്യകുടുംബമാണ് ബ്രൊമെല്യേസി (Bromeliaceae). നമുക്ക് സുപരിചിതമായ കൈതച്ചക്ക (Pineapple) ഈ കുടുംബത്തിലെ ഒരംഗമാണ്. ഈ കുടുംബത്തിൽ അധിസസ്യങ്ങൾ, ലിത്തോഫൈറ്റുകൾ, പാറകളിൽ വളരുന്ന സസ്യങ്ങൾ, മണ്ണിൽ വളരുന്ന സസ്യങ്ങൾ എന്നിവയെല്ലാം ഉൾകൊള്ളുന്നു.^[2] ഈ സസ്യകുടുംബത്തിന്റെ ഉപകുടുംബമാണ് ബ്രൊമെല്യോയ്ഡെ , ബ്രൊമെല്യേസി കുടുംബത്തിലെ താഴ്ന്ന അണ്ഡാശത്തോടു കൂടിയ ചെടികൾ (ഉദാ., കൈതച്ചക്ക) എല്ലാം ഇവയിൽ പെടുന്നു.^[3] ഈ സസ്യ കുടുംബത്തിലെ വലിയ സസ്യം പുയ റൈമോണ്ടിയും ചെറുത് സ്പാനിഷ് മോസ്സുമാണ്. കൂടുതൽ വൈവിധ്യമുള്ള സസ്യങ്ങൾ ഉൾക്കൊള്ളുന്ന ഒരു സസ്യകുടുംബം കൂടിയാണ് ബ്രൊമെല്യേസി. ഇവ പലതരം കാലാവസ്ഥയേയും അതിജീവിക്കാൻ കഴിവുള്ളവയാണ്. ഈ കുടുംബത്തിലെ സസ്യങ്ങളുടെ പൂങ്കുലകൾ വിവിധതരത്തിലുള്ളവയാണ്, 10 മീറ്റർ ഉയരത്തിൽ എത്തുന്നതും എന്നാൽ ചിലത് 2 മില്ലി മീറ്റർ മാത്രം വലിപ്പമുള്ളവയും മറ്റുചിലത് ചെടിക്കുപുറത്തേക്ക് വരാത്ത പൂക്കളോട് കൂടിയവയുമാണ്. അധിസസ്യങ്ങളും (Epiphytes) മണ്ണിൽ വളരുന്ന സസ്യങ്ങളും ഉള്ളതിനാൽ പറ്റുവേരുകളുള്ളവയും, നാരുവേരുകളും തായ്‌വേരുകളും ചേർന്നുള്ള സസ്യങ്ങളും ഈ കുടുംബത്തിലുണ്ട്.

ഉപകുടുംബങ്ങൾ

രൂപഘടന, സ്വഭാവ സവിശേഷത എന്നിവയെ ആസ്പദമാക്കി ബ്രൊമെല്യേസി കുടുംബത്തിനെ ഉപകുടുംബങ്ങളായി തിരിച്ചിരിക്കുന്നു. ബ്രൊമെല്യോയ്ഡെ, ടില്ലാൻഡ്സ്യോയ്ഡെ,പിറ്റ്കൈർന്യോയ്ഡെ എന്നിവ പ്രധാന ഉപകുടുംബങ്ങളാണ്.