Стокгольм
Стокгольм (шведлӓ Stockholm, [stɔkːɔlm], латинлӓ Holmia) — Швецин вуйхалажы, сӓндӓлӹкӹн сек кого халажы. Мӓларен йӓрӹн ирвел монгырыштыжы шыпшылт вазын. 2009-шӹ ин халашты 842 376 эдем ӹлен. Стокгольмышты Швеци кугижӓн резиденцижӹ, Министрвлӓн Согоньышты (правительство) дӓ Риксдаг (Парламент, Кугижӓн Погыныш) вӓрлӓнӓт. Стокгольмын халыквлӓлоштыш аэропортшы Арланда маналтеш. Кого Стокгольм регионышты 1 252 020 (2005), а халан агломерациштӹжӹ 1 949 516 эдем ӹлен. Стокгольм луатныл ошмаоты (остров) гӹц шалга. Хала лӹмӹн этимологижӹ «сток» (преня) дон «холм» (изи ошмаоты) шамаквлӓ гӹц лин. Хроникышты пӹтариш гӓнӓ 1252-шы ин ӓшӹндӓрӓлтеш.