Acuordo de Belfast

L Acuordo de Belfast (tamien coincido por Acuordo de la Sesta-feira Santa) fui assinado an Belfast an 10 de Abril de 1998 puls gobiernos británico i irlandés i apoiado pula maiorie de ls partidos políticos norte-irlandeses. L'acuordo tenie por finalidade acabar culs cunflitos antre nacionalistas i unionistas subre la queston de l'ounion de la Irlanda de l Norte cula República de la Irlanda, ó sue cuntinaçon cumo parte de l Reino Ounido.

L'acuordo fui aprobado pula maiorie de ls botantes tanto na Irlanda de l Norte cumo na República de la Irlanda, chamados a pronunciar-se an referendos apartados, an Maio de 1998.

Puntos percipales

L percípio que l feturo custitucional de la Irlanda de l Norte deberá ser decidido pul boto de ls sous cidadanos.
L cumprometimiento de todas las partes, an ousáren sclusibamente meios pacíficos i democráticos.
L stablecimiento dua Assemblé de la Irlanda de l Norte cun poderes legislatibos.
La criaçon dun 'poder-partilhado' pa l'atribuiçon de menistros als percipales partidos, segundo l método de Hondt
Stablecimiento dun Cunseilho británico-irlandés, cumpuosto por repersentantes de ls gobiernos de la República de la Irlanda, de la Irlanda de l Norte, Reino Ounido, Scócia, Paíç de Gales, Ilhas de l Canhal i Ilha de Man, pa la çcusson de ls assuntos d'antresse quemun.
La libertaçon, ne l spácio de dous anhos, de presioneiros paramelitares pertencentes l'ourganizaçones qu'acaten l cessar-fuogo.
La deposiçon de las armas ne l spácio de dous anhos.
La modificaçon de ls artigos 2 i 3 de la custituiçon de la Irlanda, referentes a la rebindicaçon de l território de la Irlanda de l Norte pula República de la Irlanda.
Nuoba legislaçon subre policiamiento, dreitos houmanos i eigualdade pa la Irlanda de l Norte.

Lhigaçones sternas

Belfast Agrement^{[lhigaçon einatiba]} (testo cumpleto an anglés)
British-Irish Council

Modelo:Rabisco-ie