Lhibardade de spresson
Lhibardade de spresson ye apanágio de la natureza racional de l andibíduo[1] i ye l dreito de qualquiera un manifestar, lhibremente, oupeniones, eideias i pensamientos pessonales sin medo de retaliaçon ó censura por parte de l gobierno ó d'outros nembros de la sociadade. Ye un cunceito fundamental nas democracies modernas nas quales la censura nun ten respaldo moral.[2]
La lhibardade de spresson ye un dreito houmano, protegido pula Declaraçon Ounibersal de ls Dreitos Houmanos, de 1948, i pulas custituiçones de bários países.
Stórico
[eiditar | eiditar código-fuonte]La maiorie de ls eideales políticos modernos cumo justícia, lhibardade i l gobierno custitucional, surgiran na Grécia Antiga. Fúrun ls griegos ls pioneiros la lhançar las semientes de l'eideia democrática, que, cunserbadas puls filósofos de la eidade média, fruitificórun na modernidade.
Cun eifeito, solo antegrantes dun demos (munecípio), dirigido por un demarca participában de la política. Dende la spresson democracie, que senefica gobierno de demos. Outro punto a ser cunsidrado que l grande númaro de scrabos eisistentes an Atenas permitie que l tiempo de l cidadano fusse dedicado a la política.
Aristóteles questumaba afirmar que to i qualquiera trabalho manual debie ser eisecutado por scrabos, de forma que ls cidadanos podíssen çpor de sou tiempo pa las atebidades políticas.
Refréncias
- ↑ Scrabidon i Lheis ne l Brasil, Ibsen Noronha, Caminos Romanos, Coimbra, 2017, Nota de l Eiditor por António Carlos de Azeredo, pág. 5
- ↑ CABRAL, Bruno Fuontenele. “Fredon of spech”. Cunsidraçones subre la lhibardade de spresson i d'amprensa ne l dreito norte-amaricano. Jus Nabigandi, Teresina, anho 15, m. 2640, 23 set. 2010. Çponible an: <https://jus.com.br/artigos/17476>. Acesso an: 28 ago. 2022.
