ریکا جونز
ریکا جونز .jpg)
 |
ادوارد جونز (اینگلیسی جه: Edward Jones) ( بزائه 7 آپریل 1824- بمرده 1893 یا 1896)، کا وره " ریکا جونز" (The boy Jones) نوم جا هم اشناسینه، اتا اینگلیسی ریکا بی‌یه که چندین کَش یواشکی باکینگهام قصر دله بورده و اتی مال و وسیله دزدی هاکرده و همینسه خله شناسا بیّه. وه اون گدر که 14 ساله بی‌یه اولین کَش دسامبر ماه 1838 سال باکینگهام قصر ره دله دکته و اتی وسیله دزدی هاکرده کا وره بَیتِنه اما شه محاکمه دله محکوم نَیّه. 1840سال وه اَی قصر ره دله بورده، که اون گدری بی‌یه که ملکه ویکتوریا شه کیجا پرنسس ویکتوریا ره دنیا بیارده و 10 روزی ونه دنیا بموئن جا بگذشت بی‌یه که قصر خدمه، ریکا جونز ره گتِ مبلِ بِن جا بَخِرد پیدا هاکردنه و اونجه وره دستگیر هاکردنه و بوردنه ملکه مشاور‌ئون پلی تا وره سوال و جواب هاکنن. وه محکوم بیه که 3 ماه تات‌هیل فیلد زندان دله سختِ کار هاکنه. وه مارچ ماه 1841 سال زندان جه آزاد بیّه اما دِ هفته یور بوردن په وه آخرین کش باکینگهام ره یِواشکی دله بورده و این کَش داشته خِراک دزدی کرده که وره دستگیر هاکردنه و وه اَی 3 ماه تات‌هیل فیلد زندان دله به سختِ کار هاکردن محکوم بَیّه.
جونز این کارئون وسه پِر شناسا بیّه و روزنومه‌ئون ونه خوری نویشتنه، ونسه اتی شعر،خونِّش و کارتون بساتنه. وه خیالی شخصیت‌ئون خلق هاکردن وسه هم استفاده بیّه، ادوارد جونزِ نوم این خاطر وسه که ملکه ویکتوریا نوم جا پِیوند بَخِرد بَی بی‌یه اتی تاریخی کتاب‌ئون دله بموئه.
منبع
[دچی‌ین]14 ارکه ماه 1535 تبری این ولگ اینگلیسی ویکی‌پدیا جه ترجمه بیّه.
https://en.wikipedia.org/wiki/The_boy_Jones