Sokkeloa

Vrizze kakoubonen in huur zoaddeus

Drij soorten sokkeloa

Sokkeloa (ook wol: sokkeloat) is n lekkernij, moakt van kakou dij wonnen wordt oet kakoubonen, de stain van de vrucht van de tropische boom Theobroma cacao. Sokkeloa is ien de hiele wereld bie veulen liefd. Ien Nedderlaand en Belgie is sokkeloa veur koop as flitter, moar t is ook verwaarkt ien produkten as bonbons en koeksken. Ook is t lözze kakoupouder veur koop. Sokkeloa is ook een populair ingredient van veul soorten slik.

De smoak en effekten van sokkeloa

Sokkeloa vienden de meeste minsken huul lekker smoaken. De fiene woarworden bie t kaauwen van sokkeloa komt deurdat t smìltimp wat leger ligt as de lieftìmpratuur, woardeur t ien revel smìlt.

Sokkeloa is n vouernsmiddel dat bepaarkte hoeveulheden theobromine, kafiine en tryptofaan bevat, stovven dij n effekt op de hazzens hebben kinnen. t Is anders n misverstaand dat sokkeloa versloavend wezen kin. De houveulheden van dizze stovven binnen noamelk zo leeg dat n gemiddeld persoon meer as 30 kilogram pure sokkeloa op ain dag zol mouten eten om ook moar t lichtste effekt te ondergoan. Onderzuik noar de populariteit van milksokkeloa, pure sokkeloa, witte sokkeloa en kakoupouder wees eer oet dat milksokkeloa t meest populaire soort sokkeloa is. Op boases van de versloavende waarken dij van kakou, dij de deur n aantel wetenskoppers verondersteld wuir, zol ter anders verwaacht worden dat pure sokkeloa t meest populair is, omdat doar n hogere hoeveulhaid kakou ien zit. Toch is de pure sokkeloa meesttieds t minst populair.

n Overzichtsartikel over de ienvloed van de effekten van sokkeloa is ien maai 2000 publizeerd deur onderzuikers van de akademie van Bristol ien t wetenskoppelke tiedschrift Pharmacology, Biochemistry and Behaviour.

Leegsaksisch

• Drèents:
  • sukelao (ZOZ, ZWD, MD, VK)
  • sukkelao (Noord-Drenthe, ZO)
  • sukela (ZO, ZWZ)
  • sukkela (ZO)
  • sukerlao (ZW)
• Graafschopper Platt: soekkelaa (Platduutse schriefwieze Sukkelaa)
• Grunnegs: sokkeloa(t), sukkeloa(t)
• Veluws: sukelao
• Sallaands: sukelao
• Stellingwarfs: sukelao
• Tweants: sokkelaa

Boetende hìnwiezen

• Sokkeloa en t tegengoan van kardiovaskulaire ziektes: een systematisch overzicht (Engels)

Commons: Sokkeloa - plaatjes, filmkes en/of gelüüdsbestanden.

Schreven ien t Westerkertaaiers