Abdullah Gül
Abdullah Gül, GCB[1], (* 29. Oktober 1950 in Kayseri) is en törkschen Politiker. Vun den 28. August 2007 af an is he de 11. Staatspräsident vun de Törkei. Dormit is he ok Böverst Befehlhebber över de Törk'schen Strietkräft, wenn keen Krieg is.
Gül hett sik in'n April un Mai 2007 to de Wahl stellt för dat Amt vun den Präsidenten. He weer de Kannedat vun de Partei AKP, de in de Törkei regeeren deit. Parteichef Erdoğan harr em för de Wahl vörslahn.[2] Vunwegen dat he Staatspräsident weern wull, hett dat in de Törkei en Krise in de Binnenpolitik un Neewahlen geven. Besunners dat törk'sche Militär hett sik dormols hören laten, se wullen sik dor rein gornich mit af finnen, wenn de Laizismus, so as he in den Staat siet Atatörk begäng weer, an de een oder annere Steed suutjes afschafft weern scholl. Gül weer de Kannedat vun en religiöse islaamsche Partei. Na de Wahlen is Gül an'n 28. August 2007 in de Grote Natschonalversammlung vun de Törkei in'n drüdden Wahlgang to'n Staatspräsidenten vun de Törkei wählt wurrn.
An'n 6. September 2008 hett he vun sik höörn laten, as he as eersten Staatspräsidenten vun de Törkei na Eriwan reist is. Grund weer en Inladung vun den armeenschen Präsidenten Sersch Sarkissjan, he scholl sik doch dat Footballspeel twuschen Armenien un de Törkei ankieken. Gül hett mit Sarkissian doröver snackt „wie dat gahn schall, dat de beiden Länner, de so lang in Striet un Fiendschop leevt hefft, nu bilüttjen normol mit'nanner ümgahn könnt“.[3] Düsse Besöök warrt as en histoorsche Reis ankeken.
Utteknungen
ännern- Honorary Knight Grand Cross of the Civil Division of the Order of the Bath[1] (GCB) (14. Mai 2008)
Weblenks
ännern
- Den Staatspräsidenten siene offizielle Websteed (engelsch/törksch)
- Abdullah Gül siene private Websteed (engelsch/törksch)
- Nahrichtenportal vun de New York Times över Abdullah Gül (engelsch)
- ‘Who else will you trust besides me, the keeper of the most secret state documents?’ Abdullah Gül över de Wahlen to'n Präsidenten
- Dossier över de Wahlen in de Frankfurter Allgemeinen (hoochdüütsch)
Borns
ännern- ↑ a b Karşılama "daha ağırbaşlı" bulundu: CNN-TÜRK, 18. Mai 2008
- ↑ Erdoğan verzichtet, Zeit online, afropen an'n 24. April 2007
- ↑ Bremer Nachrichten: Auf der Tribüne siegt die Freundschaft- Besuch des türkischen Präsidenten Gül beim armenischen Amtskollegen beendet diplomatische Eiszeit, 8. September 2008