Landkreis Lümborg

De Landkreis Lümborg is en Landkreis in Neddersassen. He hett 183.372 Inwahners (Stand 31. Oktober 2019). De Kreisstadt is Lümborg. He höört to de Metropolregion Hamborg.

Wapen/Flagg

Koort

Basisdaten

Sitt:

1.323,35 km²

183.372 (31. Oktober 2019)

Inwahnerdicht:

138,6 Inwahners pro km²

Geograafsche Laag:

53° 14′ N, 10° 34′ O

Grenzen bi OSM:

2084746

Kennteken:

LG

Kreisslötel:

03355

Gemenen in’n Kreis:

43

Landraad:

Manfred Nahrstedt (SPD)

Websteed:

www.landkreis-lueneburg.de

NUTS-Code:

DE93

Geografie

De Naverkreise sünd de Kreis Hertogdom Loonborg in’n Noorden (in Sleswig-Holsteen), de Landkreis Ludwigslust-Parchen in’n Oosten (in Mekelborg-Vörpommern), de Landkreis Lüchow-Dannenbarg in’n Süüdoosten, de Landkreis Ülzen in’n Süden, de Landkreis Heidkreis in’n Süüdwesten un de Landkreis Horborg in’n Noordwesten.

De Landkreis is präägt dör de Lümbörger Heid un in’n Noordwesten dör de Elv mit ehr Maschen. De wichtigste Stroom in’n Landkreis is de Ilmenau.

Historie

De Landkreis Lümborg is an’n 1. Oktober 1932 ut de olen Kreise Lümborg un Bleikd billt worrn.

Mit de Drüdde Verordnung över den Neeopbo von dat Riek von’n 28. November 1938 sünd de Utdrück för de Verwaltungsbezirke in dat Düütsche Riek eenheitlich maakt worrn. Dorüm hett sik to’n 1. Januar 1939 de Naam von Kreis Lümborg op Landkreis Lümborg ännert.

1942 hett de Landkreis de Gemenen Ollershusen un Wittörp von’n Landkreis Horborg tokregen un 1943 müss he de Gemenen Hagen, Lüün un Ochtmissen an de Stadt Lümborg afgeven.

Na’n Tweten Weltkrieg sünd de Besatzungszonen so indeelt worrn, dat dat ole Amt Neehuus un de Stadtdelen von Bleikd, de op dat rechte Över von de Elv legen, in de sowjetsche Besatzungszoon to liggen kemen. De Rest von’n Landkreis weer in de brietsche Zoon. Disse Rebeden hebbt denn to’n Kreis Hagenow höört un weren Deel von de DDR. An’n 30. Juni 1993 sünd se na en Volksafstimmung wedder Deel von’n Landkreis Neddersassen worrn.

Mit dat Gesett över de Neegliederung von de Gemenen in’n Ruum Horborg^[1], dat Gesett över de Neegliederung von de Gemenen in’n Ruum Lüchow^[2] un dat Gesett över de Neegliederung von de Gemenen in’n Ruum Ülzen un ümto de Stadt Munste^[3] (Gemeenreform in Neddersassen) sünd to’n 1. Juli 1972 en Reeg Gemenen in’n Landkreis tohoopleggt worrn un in de Landkreise Horborg, Lüchow-Dannenbarg un Ülzen wesselt:

De Gemeen Bövermeschacht is Deel von de Gemeen Meschacht in’n Landkreis Horborg worrn.
De Gemenen Abendörp, Bütel un Tesp sünd to de Gemeen Tesp tohoopleggt worrn, de an’n Landkreis Horborg keem.
De Gemeen Dübbekold is Deel von de Gemeen Göhr in’n Landkreis Lüchow-Dannenbarg worrn.
De Gemeen Katemin is Deel von de Gemeen Nee Darchau in’n Landkreis Lüchow-Dannenbarg worrn.
De Gemenen Grünhagen, Hogenbossel, Niendörp und Wullsdörp sünd Deel von de Gemeen Bienbüddel in’n Landkreis Ülzen worrn.

Mit dat Gesett över de Neegliederung von de Gemenen in’n Ruum Lümborg^[4] hebbt sik to’n 1. März 1974 de Butengrenzen noch wedder ännert:

De Stadt Lümborg is Deel von’n Landkreis Lümborg worrn.
De Gemenen Handörp, Radbrouk un Wittörp ut’n Landkreis Horborg sünd in’n Landkreis Lümborg wesselt.
De Gemenen Raben, Rulfsen un Soosdörp ut’n Landkreis Horborg sünd to de ne’e Gemeen Soosdörp tohoopleggt worrn, de an’n Landkreis Lümborg keem.
De Gemeen Wetzen ut’n Landkreis Horborg is Deel von de Gemeen Olndörp in’n Landkreis Lümborg worrn.

Wapen

Dat Wapen von’n Landkreis wiest vörn op blauen Grund en gollen Lööw mit rode Tung un Klauen un achtern op gelen Grund dree rode Harten. Dat Wapen hett de Kreis Lümborg 1927 von dat Prüüßsche Staatsministerium tokennt kregen. De Lööw is de Welfen-Lööw, vonwegen dat de Kreis fröher Deel von dat Königriek Hannover weer, un de Harten sünd ut dat Wapen von Däänmark, vonwegen dat Willem von Lümborg 1202 Helene von Däänmark freet hett. Utklamüsert hett dat Wapen de Berliner Maler Gustav Adolf Closs.

Politik

Landrääd

1932–1945: Wilhelm Albrecht
1945–1946: Ludwig Eicke
1946–1948: Wilhelm Martens
1948–1952: Friedrich Buhlert
1952–1953: Wilhelm Martens
1953–1974: Hermann Hahn (DP, 1962 CDU)
1974–1991: Wilhelm Martens (CDU)
1991–1996: Wolfgang Schurreit (SPD)
1996–2006: Franz Fietz (CDU)
2006-: Manfred Nahrstedt (SPD)

Böverkreisdirekters

1945–1949: Ludwig Eicke
1950–1969: Ernst Wallhöfer
1969–1987: Klaus Harries
1987–1999: Jürgen Allerdissen

Städer un Gemenen

Inwahners an’n 31. Dezember 2012

Koort von’n Landkreis mit de Eenheits- un Samtgemenen
0 = Stadt Lümborg
1 = Samtgemeen Amelkusen
2 = Samtgemeen Bewick
3 = Samtgemeen Dahlenborg
4 = Samtgemeen Gellsen
5 = Samtgemeen Ilmenau
6 = Samtgemeen Oostheid
7 = Samtgemeen Scharnbääk
8 = Adendörp
9 = Stadt Bleikd
10 = Amt Neehuus

Eenheitsgemenen

1. Adendörp (10.462)
2. Amt Neehuus (4821)
3. Bleikd, Stadt (9515)
4. Lümborg, Kreisstadt, grote sülvstännige Stadt (71.009)

Samtgemenen mit jümehr Liddmatengemenen

Sitt vun de Samtgemeenverwalten *

1. Samtgemeen Amelkusen (8214)

Amelkusen * (3937)
Bätzendörp (1146)
Olndörp (976)
Rehlen (720)
Soosdörp (1435)

2. Samtgemeen Bewick (16.812)

Bewick, Flecken * (6567)
Boorn (1852)
Handörp (1982)
Mechtsen (682)
Radbrouk (1997)
Vögelsen (2250)
Wittörp (1482)

3. Samtgemeen Dahlenborg (6072)

Böhtz (397)
Dahlem (593)
Dahlenborg, Flecken * (3286)
Norndörp (1247)
Toschelop (549)

4. Samtgemeen Gellsen (12.864)

Karkgellsen (2264)
Reppenstää * (7199)
Sugellsen (1637)
Westergellsen (1764)

5. Samtgemeen Ilmenau (10.519)

Barnst (748)
Düütsch Äwern (3774)
Emsen (2627)
Melbeck * (3370)

6. Samtgemeen Oostheid (10.282)

Borndörp * (2489)
Neetz (2583)
Reinstörp (1310)
Themsborg (1308)
Vastörp (824)
Wensch Äwern (1768)

7. Samtgemeen Scharnbääk (15.070)

Addelborg, Flecken (1588)
Brietl (3340)
Echen (1013)
Hittbargen (920)
Haunstörp (2399)
Lüsborg (620)
Rullstörp (1869)
Scharnbääk * (3321)

Partnerschoppen

De Landkreis Lümborg hett an’n 24. Juli 1999 en Partnerschop mit’n Powiat Wągrowiec in Polen slaten. Vörher harr de Landkreis en Patenschop övernahmen för de Eichenbrücker Vereenigung, in de sik Verdrevene ut’n olen Kreis Wongrowitz (de von 1938 bet 1945 toletzt Kreis Eichenbrück heten hett) tohoopslaten harrn. De Eichenbrücker Vereenigung is 2012 oplööst worrn.

De Partnerschop mit Böversavo in Finnland is 1988 slaten worrn. De Verdrag dorför is 1993 ünnerschreven worrn.

Footnoten

↑ Gesetz zur Neugliederung der Gemeinden im Raum Harburg, 27. Juni 1972
↑ Gesetz zur Neugliederung der Gemeinden im Raum Lüchow, 27. Juni 1972
↑ Gesetz zur Neugliederung der Gemeinden im Raum Uelzen und im Bereich der Stadt Munster, 16. Mai 1972
↑ Gesetz zur Neugliederung der Gemeinden im Raum Lüneburg, 28. Mai 1973