Willi Schulz

Willi Schulz (* 4. Oktober 1938 in Wattsche) is en ehmalger düütsch Footballspeler.

Loopbahn

Vereen

Willi Schulz fung sien Footballerloopbahn in‘n Juli 1950 bi den westfäälschen Amateurvereen Union Günnigfeld an: To de Saison 1960/61 wessel he to’n FC Schalke 04 in de Böverliga West, dormals een vun de fievthööchsten Speelklassen in den düütschen Football. Nahdem Schalke in dat tweet Bundsligajohr 1964/65 Tabellenletzt wurr un blots dorüm nicht afsteeg, wiel man de Bundsliga up 18 Vereens upstocken dee, is Schulz nah 135 Spelen för Schalke to’n Hamborger SV. Harr he tovör meestens as Middellöper speelt, hett he sück in Hamborg as Libero, af un to ok as Vörstopper to en vun de best düütsch Afwehrspeler vun de laat 1960er un fröhen 1970er Johren entwickelt. Platz 5 in de Saison 1970/71 weer dorbi sien best Bundsliga-Platzeeren mit Hamborg. So bleeven dat 1967 mit 0:4 gegen den FC Bayern München verloren DFB-Pokalendspeel un de Endspeeldeelnahm an’n Europapokal vun de Pokalsieger an‘n 23. Mai 1968 gegen den AC Mailand (0:2) de Hööchtpunkte in sien Hamborger Vereenskarriere. Nah 211 Bundsligaspelen för den HSV hett Willi Schulz 1973 sien aktive Loopbahn.^[1] An’n 24. April 1973hett he mizt den HSV gegen en Weltutwahl sien Afscheedsspeel bestreeden (2:5). Kört dorp wunn he mit den HSV aber noch den eerstmals utdragen DFB-Ligapokal un dormit sien eenzigen Titel in sien Profiloopbahn.

Natschonalmannschap

Solari, Más, Tilkowski, Schnellinger un Schulz

All wiels sien Tiet bi Union Günnigfeld wurr de dormalige DFB-Trainer Dettmar Cramer up dat jung Talent upmarksom. Nahdem Insatzen in de Junioren- un B-Natschonalmannschap, wurr he vun Bundstrainer Sepp Herberger an’n 20. Dezeber 1959 to dat Lännerspeel gegen Jugoslawien in Hannober beropen (1:1). Dor speel he gemeensam mit den dormaligen Stars as Schnellinger, Rahn un Seeler as rechter Butenlöper. He wurr 1962 ok to de Weltmeesterschap 1962 in Chile beropen, wo he in all veer Spelen vun de DFB-Utwahl insett wurr. Ok bi de Weltmeesterschapen 1966 in England un 1970 in Mexiko hörr he to de düütsch Mannschap um keem so up 13 WM-Insatzen. De Hööchtpunkt vun sien Lännerspeelkarriere weer dat WM-Finale an‘n 30. Juli 1966 in London gegen England (2:4). In dit Turnier wies he as Afwehrbaas en Weltklasseleistung, wat hüm de Ehrenbeteeken „World-Cup-Willi“ inbroch. Sien 66. un letzt Lännerspeel hett Schulz an‘n 17. Juni 1970 in dat legendär WM-Halffinale gegen Italien (3:4)^[2] bestreeden. An dat Speel um den 3. Platz hett he nich mehr deelnommen. Dat weer so mit Bundsträiner Helmut Schön so afspraaken, un nich, wiel he vermeentlich sien Footballschoh vergeeten harr.^[3] Wiels sien Lännerspielkarriere führ he de DFB-Elf twintiegmal as Kapitän an. Tweemal wurr he in en Weltutwahl beropen. För sien sportlichen Leistungen kreeg he an’n 30. Juli 1966 dat Sülvern Lorbeerblatt.^[4]

Geschäftsmann un Funktschonär

Nah sien Loopbahn as aktiv Footballspeler fung Willi Schulz en ebenso spoodriek Leven as Geschäftsmann in de Versekerungs- un Automatenbranche an. He bleev Vereensliddmaat vun den HSV, sien Engagement führ hüm bit to’n stellvertreeden Vörsitter vun den Upsichtsraat.

Datenöversicht

1960–1963 Schalke 04, 83 Spelen – 6 Doren, Böverliga West
1963–1965 Schalke 04, 52 Spelen – 2 Doren, Bundsliga
1965–1973 Hamborger SV, 211 Spiele – 3 Doren, Bundsliga
66 A-Lännerspelen
8 Amateur-Lännerspelen
Weltmeesterschapsdeelnahmen 1962, 1966, 1970
Viezweltmeester 1966, 3. Platz bi de WM 1970
2 Spelen in de Weltutwahl

Literatur

Jürgen Bitter: Deutschlands Fußball-Nationalspieler : das Lexikon. SVB Sportverlag, Berlin 1997, ISBN 3-328-00749-0.
Jürgen Bitter: Deutschlands Fußball. Das Lexikon. Sportverlag Berlin, Berlin 2000, ISBN 3-328-00857-8
KICKER, Fußball-Almanach '93, Copress Verlag 1992, ISBN 3-7679-0398-9
KICKER, Sonderheft 40 Jahre Bundesliga, Olympia-Verlag, ISSN 1612-0116
Matthias Kropp: Triumphe im Europapokal. Alle Spiele der bundesdeutschen Klubs seit 1955 (= "AGON Sportverlag statistics." Band 20). AGON Sportverlag, Kassel 1996, ISBN 3-928562-75-4.

Weblinks

Enkeld Nahwiesen

↑ Matthias Arnhold (25. August 2016): Willi Schulz - Matches and Goals in Bundesliga. RSSSF. Afropen an’n 31. August 2016.
↑ Matthias Arnhold (25. August 2016): Willi Schulz - International Appearances. RSSSF. Afropen an’n 31. August 2016.
↑ Interview mit Willi Schulz: http://www.reviersport.de/63186---willi-schulz-interview-zum-70-geburtstag.html
↑ Unterrichtung des Bundestages durch die Bundesregierung vom 29. 9. 1973 - Drucksache 7/1040 - Anlage 3 Sieden 54 ff., hier Siet 59

[1] Matthias Arnhold (25. August 2016): Willi Schulz - Matches and Goals in Bundesliga. RSSSF. Afropen an’n 31. August 2016.

[2] Matthias Arnhold (25. August 2016): Willi Schulz - International Appearances. RSSSF. Afropen an’n 31. August 2016.

[3] Interview mit Willi Schulz: http://www.reviersport.de/63186---willi-schulz-interview-zum-70-geburtstag.html

[4] Unterrichtung des Bundestages durch die Bundesregierung vom 29. 9. 1973 - Drucksache 7/1040 - Anlage 3 Sieden 54 ff., hier Siet 59

[1]

[2]

[3]

[4]