Flagg vun Lesotho

Flagg vun Lesotho (Format 2:3)

De Flagg vun Lesotho is an’n 4. Oktober 2006 offiziell inföhrt worrn. Ehr hüütig Utsehn is in’n Rahmen vun 40. Johrsdag vun de Unafhangigkeit vun Lesotho annahmen worrn.

Utsehn un Bedüden

De Natschonalflagg vun Lesotho is waagrecht in en blauen, en witten un en grönen Striepen opdeelt mit en Bredenproportschoon vun 3:4:3. Op den witten Striepen is in de Mitt en stiliseerten swarten Mokorotlo afbillt – dat is en tyypsche Basotho-Koppbedecken, de vun de Form her na den Barg Qiloane maakt wesen schall.

De Bedüden vun de Klören is vun de Vörgänger-Flagg övernahmen worrn, wobi de Farvtöön aver ännert worrn sünd. De Klören baseert togliek op den Wahlspröök vun’t Land: Witt steiht för den Freden (Khotso), Blau betekent den Regen (Pula) un Gröön steiht för den Wollstand (Nala).

Historie

Siet de Unafhangigkeit vun Lesotho an’n 4. Oktober 1966 is de Flagg vun dat Land mehrfack ännert worrn. De eerste Flagg, de in’n September 1966 vörstellt worrn is, hett de Klören vun de Basotho National Party övernahmen hatt un wies ok al den Mokorotlo. De Striepens weern noch piel un harrn de Proportschoon 1:1:8. As de Basotho National Party na en Militärputsch aflööst worrn is, is an’n 17. Januar 1987 en ne’e Flagg inföhrt worrn. Dat hellbrune Teken dorop hett en traditschonellen Sotho-Schild mit Wapen ut dat 19. Johrhunnert – en Assegai-Speer un en Kerrie-Strietküül – wiest.

• 
  2:3 Basotho National Party
• 
  2:3 Natschonalflagg, 1966 bit 1987
• 
  2:3
  Natschonalflagg, 1987 bit 2006

Königliche Flagg

De Königsflagg hett sik mit de Natschonalflagg entwickelt. Dorbi wies se aver jümmer dat Wapen vun Lesotho.

• 
  2:3 Königliche Flagg, 1966 bit 1987
• 
  2:3 Königliche Flagg, 1987 bit 2006
• 
  2:3 Königliche Flagg, siet 2006

Weblenken

Flaggen vun Lesotho. Mehr Biller, Videos oder Audiodateien to’t Thema gifft dat bi Wikimedia Commons.

• Flags of the World – Lesotho
• Whitney Smith, Ottfried Neubecker: Die Zeichen der Menschen und Völker. Unsere Welt in Fahnen und Flaggen. Reich Verlag, Luzern 1975, ISBN 3-7243-0115-4.