George Ezra

George Ezra (* 6. Juni 1993; eegentlich George Ezra Barnett) is en engelsch Singer-Songwriter ut Bristol.

Biografie

George Ezra is in Hertford upwussen, bevör he nah Bristol trucken is. He hett dat Brighton Institute of Modern Music besöcht, wo he as Johrgangsbest afslooten hett. Mit 18 Johren fung sien Musikkarriere an. Ofschons he noch temelk jung is hett he en ruuch Stimm un en riep bluesigen Stil. Sien bi BBC Introducing in dat Fröhjohr 2012 hochlaaden Leed Angry Hill wurr vun de BBC Bristol utwählt un speelt. In dat Johr drup is he bi dat Glastonbury-Festival uptreden. Sien eerste EP Did You Hear the Rain? hett Ezra in’ November 2013 rutbrocht. De Song Budapest dorut keem in de Top 75 vun de britisch Charts. In de BBC-Prognose Sound of 2014, de den Dörbröök vun den Künstler in dat folgen Johr vörherseggt, wurr he up Platz fief sett. Anfang 2014 gung Ezra up Tour dör England un Europa u is dorbi ok in Düütschland un de Swiez uptreden. Ansluutend kunn sück Budapest ok in anner Länner in de Charts platzeeren. In' März kunn sück Budapest in de düütschsprakig Länner in de Charts platzeeren un steeg bit Enn' April in de Top Ten. In Öösterriek keem dat Leed sogor up Platz 1.

Diskografie

Alben

• Did You Hear the Rain? (EP, 2013)
• Cassy O' (EP, 2014)

Leeder

• Angry Hill (2012)
• Budapest (2013)
• Cassy O' (2014)
• Did You Hear the Rain? (2014)

Weblenken

• Offiziell Websteed (engelsch)
• Soundcloud-Siet
• George Ezra bi Allmusic (engelsch)