Homo antecessor (lat.: De Minsch, de vörweglopen dö) is en utstorvene Aart vun dat GeslechtHomo. Dor warrt he mit to de Minschen rekent. Toeerst is he in Spanien funnen wurrn. He hett leevt vun dat Pliozän bit to dat Pleistozän in Eurasien un villicht ok in Afrika. Towielen warrt Homo antecessor bloß as en annern Utdruck ankeken för Homo heidelbergensis oder Homo erectus. An Knaken, de funnen wurrn sünd, kann een Sporen finnen, dat dor an rümbeten un -gnaagt wurrn is. Womööglich kann dat bedüden, dat dat bi den Homo antecessor Kannibalismus geven hett. Dat Skelett, wat in Spanien funnen wurrn is, is bi 780.000 Johre oolt un kummt vun ene tein Johre ole Deern. Dat is allerbest bewohrt bleven all de Johren.
