Inselstaat

Översicht över Inselstaten weltwiet

As Inselstaten warrt Staaten betekent, de jemehr Staatsrebeet op een oder en Reeg vun Eilannen liggt, ahn dat se Land op’n Kontinent hebbt. Dör dissen Ümstand warrt se vun Küsten- un Binnenstaten ünnerscheedt. Man Inselstaten laat sik noch mol wieter ünnerdelen.

To’n een sünd dat de, welke ut teemlich grote Eilannen bestaht un dorüm ok teemlich veel Inwahners hebben künnt. Dorto tellt Staten as Japan, Indonesien, Grootbritannien, Sri Lanka usw. Faken is de Kultur un Politik vun disse Staten anlohnt an de Kultur vun jemehr Navers op’t kontinental Fastland. Vördeel vun disse Koppel vun Staten is de maritime Laag, de gode Möglichkeiten för’n Hannel dör de Schipperee mit sik bringt un to lieken Tiet en isoleerte Laag mit sik bringt, de militäärsch Invasionen hinnert.

De annere Koppel sünd de Staten, de op lütte Eilannen leegt, as t. B. Malta, Kap Verde, de Bahamas oder ok de Malediven. Disse Staten hebbt tomeist en ganz annere Kultur as de Länner op’n Kontinent. Natürlich Rohstoffen un Landweertschap gifft dat dor meist wenig, so dat in ne’ere Tieten vör allen de Tourismus sik to’n wichtigsten Weertschopstwieg entwickeln deit.