Sangmélima

Sangmélima is en Stadt in’n Bezirk Dja-et-Lobo, Region Süd, in Kamerun. De Oort hett 64.227 Inwahners (Stand 2012).

Geografie

Sangmélima liggt op en Höögd von 643 m över de See an’n Stroom Lobo.

Üm un bi 50 Kilometer in’n Noordoosten von de Stadt liggt dat 5260 km² grote Faunenreservat Dja.

Historie

In Sangmélima doot vör allen Bulu leven, de to de Beti-Pahuin höört. De inheemsche Spraak is Bulu, Amtsspraak aver Franzöösch.

Den Naam Sangmélima hett de Offzeer von de düütsche Schutztrupp för Kamerun Gunther von Hagen (1884-1923) fastleggt, de 1907 de eerste Baas von’n Schutztruppen-Posten in Sangmélima worrn is.

In de Stadt liggt de Kathedraal von Sangmélima, de siet 1963 de Seet von dat kathoolsche Bisdom Sangmélima is. Dat Rebeed harr vörher to dat Bisdom Douala höört.

Verkehr

Dör Sangmélima löppt de Natschonalstraat 9, de in’n Süüdoosten na Djoum geiht un in’n Noordwesten na Mbalmayo. In’n Noordwesten von Sangmélima twiegt de Natschonalstraat 17 von de Natschonalstraat 9 af un löppt na Nemeyong in’n Westen.

De Stadt hett en lütten Flegerplatz.

Lüüd

De kamerunsche Schriever Rémy Sylvestre Medou Mvomo is 1938 in Sangmélima boren.