गट्फ्राइड लीब्निज्
गट्फ्राइड विल्हेम लीब्निज् (१ जुलाई १६४६ – १४ नोभेम्बर १७१६) छम्ह जर्मन बहुविज्ञ ख गुम्ह छम्ह गणितज्ञ, दार्शनिक , वैज्ञानिक व कूटनीतिज्ञया रुपय् सक्रिय जुयादिल। वय्कलं सर आइज्याक न्यूटन नापं स्वतन्त्र रुपं क्याल्कुलसया आविष्कार याःगु ख। नापं गणितया थीथी कचा गथेकि बाइनरी अंकगणित व तथ्यांकया विकासय् नं वय्कःया तःधंगु ल्हा दु। वय्कःया थी-थी ख्यलय् दूगु ज्ञान व सीपया कारणं व वय्कःया ई धुंका विकशित जूगु औद्योगिक क्रान्तिया झ्वलय् विशेषज्ञ ज्ञानया प्रसार जूगुलिं वय्कःयात "last universal genius" धकाः म्हसीकिगु नं या। वय्कः दर्शनशास्त्र व गणित निगुलिं ख्यलय् छम्ह मू व्यक्तित्व ख। वय्कलं दर्शनशास्त्र, धर्मशास्त्र, नैतिकता, राजनीति, कानून, इतिहास, भाषाशास्त्र, कासा, संगीत, व मेमेगु अध्ययनया ख्यलय् यक्व च्वसु च्वयादिल। लीब्निजं भौतिक विज्ञान व प्रविधिइ नं मू योगदान बियादिल व सम्भाव्यता सिद्धान्त, जीव विज्ञान, चिकित्सा, भूगर्भशास्त्र, मनोविज्ञान, भाषाविज्ञान व कम्प्युटर विज्ञानय् यक्व लिपा पिहां वःगु धारणाया अनुमान थःगु हे जीवनय् यानादिल।
लिधंसा
[सम्पादन]- ↑ Franz Exner, "Über Leibnitz'ens Universal-Wissenschaft", 1843; "Universalwissenschaft" in the Meyers Großes Konversations-Lexikon; Stanley Burris, "Leibniz's Influence on 19th Century Logic", Stanford Encyclopedia of Philosophy
- ↑ The History of Philosophy, Vol. IV: Modern Philosophy: From Descartes to Leibniz by Frederick C. Copleston (1958)
- ↑ "It is in Leibniz that Tarde finds the main conditions for the metaphysics of possession.He sees in Monadology (1714) the beginning of a movement of dissolution of classical ontology (notably the identity of "being" and "simplicity"), which would, in a still implicitand unthinking form, find its most obvious confirmation in today's science." In: "The Dynamics of Possession: An Introduction to The Sociology of Gabriel Tarde" by Didier Debaise
 |
विकिमिडिया मंका य् थ्व विषय नाप स्वापु दुगु मिडिया दु: Gottfried Wilhelm Leibniz |