Mars

Mars (simbol: ) no sambua planet fondrege ahatö nomoro öfa ba luo. Töi andre tehalö moroi ba döi samösa lowalangi niha Roma. Planet andre asese latötöi ia "planet soyo" me hulö oroyo-royo oroma ia ba mbanua si yaŵa. Oroma oroyo-royo ia börö me ba gulinia so zi'öli (III) oksida.^[1] Planet andre göi mokara ba langinia yaŵa (atmosfer) no anifi. Ba gulinia so koho-koho, hili si mamoka, ndraso, tanö si mate ba idanö si baku. So khönia hili fondrege alaŵa ba fefu planet samasui luo. Simanö göi ndraso Valles Marineris khönia no ndraso fondrege ebolo ba fefu planet samasui luo. Tanö yöu khönia so koho-koho sebua Borealis, samönui 40% guli Mars.^[2]^[3] Fa'ara wa'ategaolo Mars arakhagö fagölö ba wa'ara wa'ategaolo Danöa (24 jam).

Omböila

Fa'awe'e-we'e Mars i'otarai hunö irugi uli, ha matonga wa'awe'e-we'e simane ba Danöa. Baero da'ö ambö fasösö mbotonia na la faedogö ia ba Danöa, ha 11% wa'afasösö Danöa ba ha 15% wa'ebua Danöa. Fa'ebolo detenia abölö ide-ide moroi ba wa'ebolo zabe'e tanö ba Danöa. Mars andre abölö ebua ia moroi ba Merkurius, ha ya'i Merkurius andre abölö fasösö ma'ifu. Börö da'ö so khö planet si dombua da'a wondröni gravitasi sarakha fagölö wa'abölö, ha ambö töra 1% töra abölö wondröni gravitasi Mars. Fa'ebua wa'afasösö awö wa'abölö gravitasi Mars, so ba gotaluara wa'afasösö awö wa'abölö gravitasi ba Danöa ba ba Baŵa (fa'aröu hunö irugi guli ba Mbaŵa ha matonga moroi wa'aröu khö Mars, ba fa'aröu khö Danöa mendrua kali fa'aröu khö Mars; hiza meziŵa kali abölö ebua Danöa moroi ba Mars, ba Baŵa sambua ni'osiŵa moroi ba wa'ebua Mars). Sikhala guli Mars andre oroyo-royo, börö me so khönia nifotöi si'öli (III) oksida, nifotöi göi hematite.^[4]

Umbu

↑ "The Lure of Hematite", Science@NASA, 28 Maret 2001. Tebe'e ba arsip 14-09-2012. Mufaigi me 24-12-2009.
↑ Ashley Yeager, "Impact May Have Transformed Mars", ScienceNews.org, 19 Juli 2008, mufaigi me 12-08-2008
↑ Ian Sample, "Cataclysmic impact created north-south divide on Mars", guardian.co.uk, 26 Juni 2008, mufaigi me 12-08-2008.
↑ Peplow, Mark. "How Mars got its rust". BioEd Online. MacMillan Publishers Ltd. Mufaigi me 2023-01-12.

[1] "The Lure of Hematite", Science@NASA, 28 Maret 2001. Tebe'e ba arsip 14-09-2012. Mufaigi me 24-12-2009.

[2] Ashley Yeager, "Impact May Have Transformed Mars", ScienceNews.org, 19 Juli 2008, mufaigi me 12-08-2008

[3] Ian Sample, "Cataclysmic impact created north-south divide on Mars", guardian.co.uk, 26 Juni 2008, mufaigi me 12-08-2008.

[rust-4] Peplow, Mark. "How Mars got its rust". BioEd Online. MacMillan Publishers Ltd. Mufaigi me 2023-01-12.

[1]

[2]

[3]

[4]