Hiroshige
Ando Hiroshige, 安藤広重 (1797–12. oktober 1858) var ein japansk kunstmålar, særleg kjend for sine landskapsbilete i tresnitt. Han var den siste av dei store utøvarane av ukiyo-e. Hiroshige forvandla kvardagslege landskap til intime, lyriske scener som gjorde han enno meir framgangsrik enn den samtidige Hokusai.
| Hiroshige | |
 | |
| Statsborgarskap | Japan |
| Fødd | 1797 Edo |
| Død |
12. oktober 1858 (60 år) |
| Yrke | kunstmålar, ukiyo-e artist, grafikar, tresnitt |
| Språk | japansk |
| Hiroshige på Commons | |
Liv og gjerning
endre
Hiroshige var både fødd og døydde i Edo (Tokyo). Han byrja som lærling hos målaren Utagawa Toyohiro. I 1812 tok Hiroshige namn etter læraren sin og byrja signere verka sine med Utagawa Hiroshige.
Mellom åra 1811 og 1830 skapte Hiroshige bilete med tradisjonelle motiv, til dømes unge kvinner og skodespelarar. Gjennom dei neste femten åra vart han ein berømt landskapskunstnar. Meisterverket hans, biletserien Femtitre rasteplassar til Tokaido, kom i 1833. Han heldt fram med fleire framifrå bilete i liknande stil, serien Sekstini rasteplassar til Kisokaido gav han ut i tida 1834-42.
Hiroshige og Hokusai dominerte populærkunsten i Japan i den første halvdelen av 1800-talet. Hiroshige sine arbeid var ikkje like kraftfulle eller nyskapande som Hokusai sine, men på ein poetisk og kjenslevar måte fanga Hiroshige sinnbiletet av det japanske landskapet. Han laga svært mange verk; totalt skal han ha laga rundt 5 400 bilete.
Kjelder
endre- Denne artikkelen bygger på «Ando Hiroshige» frå Wikipedia på tysk, den 18. mars 2012.
