Basel-Landschaft

	Basel-Landschaft
	Bâle-Campagne; Basilea Campagna; Basilea-Champagna
	kanton
	Symbol
	Symbol
	Forkorting: BL
Land	Sveits
Del av	North West Switzerland, Nordvest-Sveits
Hovudstad	Liestal
Høgaste punkt	Hinteri Egg
• høgd	1 169 moh.
Areal	517,67 km²
Folketal	288 132 (31. desember 2018)
Kanton sidan	1501
	; Basel-Landschaft; 47°27′47″N 7°45′21″E / 47.463055555556°N 7.7558333333333°E
	Kart som viser Basel-Landschaft. Kart som viser Basel-Landschaft.
	Wikimedia Commons: Canton of Basel-Landschaft

Basel-Landschaft er ein kanton i det nordvestlege Sveits. Kantonen har eit areal på 518 km² og 290 000 innbyggarar i 2018. Liestal er hovudstad i kantonen Basel-Landschaft.

Geografi

Kantonen grensar til regionen Alsace i Frankrike i vest, og delstaten Baden-Württemberg i Tyskland i nord. Dessutan grensar Basel-Landschaft til kantonane Basel-Stadt, Aargau, Solothurn og Jura. Høgste punktet er Hintere Egg på 1 169 meter over havet. Lågastliggande punktet er der elva Birs renn ut i Rhinen, 246 moh.

Språk og samfunn

Tysk er både talemål og embetsspråk. Folk har rett på svar på eige språk frå embetsverket, dersom ein brukar eit av dei andre offisielle språka i Sveits. 20% av innbyggarane i kantonen er utanlandske statsborgarar. Italienarar og tyskarar utgjer dei klart største utanlands-kontingentane, men det finst òg mange frå Tyrkia og Serbia. Om lag 43% av innbyggarane er protestantar, 32% soknar til den romersk-katolske kyrkja. Både den reformerte og den romersk-katolske kyrkja har status som statskyrkjer (Landeskirche).

Distrikt og kommunar

Basel-Landschaft består av fem distrikt (Bezirke), som er delt opp i til saman 86 kommunar. Dei fem distrikta har namn etter administrasjonsbyane, og er Arlesheim, Laufen, Liestal, Sissach og Waldenburg.

Historie

Basel-Landschaft gjekk inn i det sveitsiske eidsforbundet i 1501. Inntil 1833 utgjorde Basel-Landschaft saman med Basel-Stadt kantonen Basel. Dei to kantonane vart, fram til 1999, då det omgrepet vart fjerna frå Sveits si grunnlov, omtala som 'halvkantonar'. Basel-Landschaft er like autonom som alle andre kantonane, men kantonen har ei røyst i Sveits sitt stenderråd, medan dei fleste andre kantonane har to røyster.

Kjelder

↑ ^1,0 ^1,1 ^1,2 ^1,3 «Bilanz der ständigen Wohnbevölkerung nach Kanton, definitive Jahresergebnisse, 2018». statistisk byrå. Henta 28. august 2019.

Denne artikkelen bygger på «Basel-Landschaft» frå Wikipedia på tysk, den 9. august 2011.

Bakgrunnsstoff

Commons har multimedium som gjeld: Basel-Landschaft

Offisiell nettstad

[wikidata-7cec7c15c6590042d30619d48a183c82489c38c0-v4-1] 1,0 ^1,1 ^1,2 ^1,3 «Bilanz der ständigen Wohnbevölkerung nach Kanton, definitive Jahresergebnisse, 2018». statistisk byrå. Henta 28. august 2019.

[1]