Bu Tinah
| Bu Tinah | |||
| øygruppe | |||
 Flyfoto av Bu Tinah utafor kysten av Abu Dhabi
| |||
| Land |  Dei sameinte arabiske emirata
| ||
|---|---|---|---|
| Koordinatar | 24°36′N 53°04′E / 24.600°N 53.067°E | ||
 Bu Tinah 24°36′06″N 53°04′49″E / 24.60166667°N 53.08027778°E | |||
  Kart som viser Bu Tinah.
| |||
Bu Tinah (arabisk بوطينة, Būṭīnah) er ei lita øygruppe mellom store korallformasjonar og sjøgrasbotn kring 25 km sør for Zirku og 35 nord for Marawah i Dei sameinte arabiske emirata.[1] Dei ligg i farvatnet utafor Abu Dhabi og er verna som eit privat naturreservat. Bu Tinah-øya har eit rikt biologisk mangfald og ligg i Marawah marine biosfærereservat som dekkjer eit område på meir enn 4 000 km². Biosfærereservatet er det første og største som er innskrive på lista til UNESCO. Det har vore ein UNESCO-stad sidan 2001.[2] Området er stengd for folk, fiske og samling av skjelpaddeegg, og området vert overvaka av patruljar.
Bu Tinah er i røynda ei gruppe av holmar og grunner, som nesten vert ei enkel øy ved lågvatn. Hovudøya har ein grunn laguneopning i sør der ein finn noko mangroveskog. Fuglar som sokotraskarv lever her. Det finst òg friske korallrev her med så mange som 16 korallartar. Revet veks i tilhøve som ville teke livet av korallartar i andre delar av verda. Farvatnet i Persiabukta er av det saltaste i verda, i tillegg til å vera blant dei varmaste. Korallane lever normalt i vatn mellom 23 °C og 28 °C, men utafor Emiratkysten er temperaturane så høge som 35 °C om sommaren.
Kjelder
[endre | endre wikiteksten]- Denne artikkelen bygger på «Bu Tinah» frå Wikipedia på engelsk, den 6. juni 2016.
- Wikipedia på engelsk oppgav desse kjeldene:
- ↑ [1] Arkivert 2009-07-13 ved Wayback Machine. UAE Interact site
- ↑ Bu Tinah Abu Dhabi: TimeOut Bahrain
Bakgrunnsstoff
[endre | endre wikiteksten]- Butinah.ae Arkivert 2011-05-31 ved Wayback Machine. - official Bu Tinah website by Environment Agency of Abu Dhabi
- Visitabudabi.ae Arkivert 2009-08-23 ved Wayback Machine. - general info about Bu Tinah Shoals