Hiroshima
| Hiroshima | |||
|---|---|---|---|
 Foto: Anders Pearson, 2003 Foto: Anders Pearson, 2003
| |||
| |||
| Styresmakter | |||
| Land | Japan | ||
| Borgarmeister | Kazumi Matsui | ||
| Geografi | |||
| Flatevidd | 905,01 km² | ||
| Flatevidd - By |
905,01 km² | ||
| Innbyggjarar - By (2009) - folketettleik |
1 173 980 1297,2/km² | ||
| Koordinatar | 34°23′53″N 132°28′32″E / 34.39806°N 132.47556°E | ||
| Tidssone | UTC + 9 (UTC+9) | ||
| Diverse anna | |||
| Heimeside: http://www.city.hiroshima.lg.jp | |||
| Plassering | |||
 | |||
Hiroshima er ein by på øya Honshû vest i Japan. Han er den største byen i Chugoku-regionen og hovudstad i Hiroshima prefektur. Byen er mest kjend for å vera den første staden ei atombombe blei brukt mot menneske, den 6. august 1945.
Hiroshima har 1 136 684 innbyggjarar (2003) og ei flatevidd på 741,63 km², slik at folketettleiken er 1532,44 personar per km².
Historie
[endre | endre wikiteksten]
Byen blei grunnlagd i 1589 som hovudstaden til klanleiaren Mori Motonari. Under Meijitida blei han eit viktig bysenter.
Under den første sino-japanske krigen blei Hiroshima ein viktig base for det japanske militæret, noko han heldt fram med under andre verdskrigen. Han blei vald ut av amerikanarane som mål for den første atombomba brukt mot menneske som blei sloppen over byen den 6. august 1945. Eksplosjonen jamna størsteparten av byen med jorda og drap over ein tredjedel av dei 350 000 innbyggjarane før året var omme.
Etter krigen blei Hiroshima bygd opp igjen. Den nye planen for byen inkluderte ein fredspark rundt Atombombekuppelen, ein av dei få bygningane som overlevde bombinga, og som er plassert på UNESCO si verdsarvliste.
Geografi
[endre | endre wikiteksten]
Hiroshima er kjend som «byen ved vatn». Han har kystline til innlandssjøen Seto, som skil dei tre japanske hovudøyane. Elva Ota har skapt deltaet byen ligg på, og deler han inn i seks øyer. Landet er svært flatt og såvidt over havnivå, men har nokre låge åsar i nord.
Økonomi
[endre | endre wikiteksten]Bilfabrikanten Mazda er utan tvil den viktigaste verksemda i byen. Mange modellar som blir selde over heile verda blir produserte her.
Verd å vitja
[endre | endre wikiteksten]
- Den atteroppbygde borga som blir kalla Rijō, koi-borga, er i dag eit museum via edoperioden
- Tempelkomplekset i byen Miyajima på øya Itsukushima like utanfor Hiroshima er kjend for sin store, raude, «flytande» port
- Byen har sin eigen mattradisjon, ein type okonomiyaki med yakisoba-nudlar som blir kalla «Hiroshima-yaki» eller «Hiroshima-pizza». Denne retten blir servert rykande fersk fleire stader i byen.
Bakgrunnsstoff
[endre | endre wikiteksten]
Wikimedia Commons har multimedia som gjeld: Hiroshima