Matthias de Zordo
| Matthias de Zordo | |
|
| |
| Statsborgarskap | Tyskland |
| Fødd | 21. februar 1988 (36 år) Bad Kreuznach |
| Idrett | friidrett |
| Tok del i | Sommar-OL 2012 |
| Utmerkingar | Saarland Athlete of the Year, Saarland Athlete of the Year |
Matthias de Zordo (fødd 21. februar 1988) er ein tysk friidrettsutøvar frå Bad Kreuznach, som tevlar i spydkast. Han vart verdsmeister i øvinga i 2011 i Daegu, året i førevegen fekk han EM-sølv. Zordo har kasta spydet 88,36 m som lengst, og vart tysk meister i 2010 og 2011. Han har sidan 2007 tevla for SV Saar 05 Saarbrücken.
Aktiv
[endre | endre wikiteksten]Zordo vart i 2007 europameister for juniorar i Hengelo med eit kast på 78,59 m, hans årsbeste og personlege var åtte centimeter lenger. I 2008-sesongen forbetra han sin personlege rekord til 82,51 m. Så langt kasta han ikkje i 2009, då han som best noterte 80, 15 m. Han fekk sølv i den tyske meisterskapen i spydkast, bakom Mark Frank.
24. mai 2010 sette Zordo ny personleg rekord med 83,09 m. To veker seinare la han på til 84,38 m og viste han høyrde heime i verdseliten. Seinare i juni 2010 overraska han med å vinne spydtevlinga i europameisterskapen for lag i Bergen, der han med 83,80 m slo verdmeisteren Andreas Thorkildsen. I juli vann han sin fyrste tyske meisterskap. Den 31. juli gav han Thorkildsen hard kamp om spyd-gullet under EM i friidrett 2010 i Barcelona, Zordo tok sølvmedaljen etter ei spanande tevling med nemnde Thorkildsen. Zordo kasta heile 87,81 meter, tre meter over hans tidlegare bestenotering.
I 2011-sesongen vann Zordo den tyske meisterskapen i spydkast i Kassel, før han den 3. september, under verdsmeisterskapen i Daegu i Sør-Korea, sigra over den regjerande meisteren Andreas Thorkildsen. To veker seinare sette han ny personleg rekord med 88,36 m då han finalen i «Diamond League» i Brussel. Han vann stemnet og gjekk også forbi Thorkildsen i samandraget for «Diamond League»-stemna for 2011.
Zordo var plaga av skader heile 2012-sesongen.
Medaljar og plasseringar i internasjonale meisterskap
[endre | endre wikiteksten]- EM 2010 i Barcelona: Sølvmedalje - 87,81 m, 56 cm bakom Andreas Thorkildsen
- VM 2011 i Daegu: Gullmedalje - 86,27 m, framom Andreas Thorkildsen (84,82 m)
- OL 2012 i London: Utslått i kvalifiseringa
Kjelder
[endre | endre wikiteksten]- Denne artikkelen bygger på «Matthias de Zordo» frå Wikipedia på tysk, den 1. september 2012.
Bakgrunnsstoff
[endre | endre wikiteksten]- (en) Matthias de Zordo – Profil på nettsida til IAAF